زبدةالاشعار

بو غم نه غمدی گنه غملی ماجراسینه باخ #عسکریه_غمگین

شهادت حضرت امام حسن عسکری علیه السلام
.
✍️ زبدة الاشعار ✍️
.
🆔: @nohe_torki
.
محمد باقر محمد زاده قومیان ( غمگین )
.
بو غم نه غمدی گنه غملی ماجراسینه باخ
بلالی باشیمیزون تازه دن بلاسینه باخ
.
قوتولدی ماه محرم صفر بتیشدی ربیع
گیوبدی اگنینه زهرا عزا لباسینه باخ
.
بو آیدا جام شهادت ایچوبدی حجت حق
دوشوبدی چوللره اوغلی بابا صداسینه باخ
.
گئدوب امام حسن عسکری بو دنیادن
امام عصریمیزین ناله و نواسینه باخ
.
سیزیلدیری الی قوینوندا چوللری دولانور
توکن عذارینه اشکین یتیم بالاسینه باخ
.
ینی امیه ائدن ظلمی یادینه سالوری
گئدور قراری الیندن غم و بکاسینه باخ
.
اولور نظرده مجسم گهی بنی عباس
ائمه یه اولارین ائتدیقی جفاسینه باخ
.
همینکه معتمده نوبت جفا یتدی
امامی ایلدی مسموم اونون حیاسینه باخ
.
جفا و ظلمون اذل پایه سین قویوب ثانی
جهاندا ثانی قویان بدعتین بناسینه باخ
.
ولیِّ حق قاپوسون یاندیروب او بی ایمان
اوتانمیوب او دنی حقّدن خطاسینه باخ
.
وروبدی اود ملک اذن ایستین قاپی یاندی
قاپی دالیندا قالان فاطمه نواسینه باخ
.
اوجالدی ناله صداسی چاغوردی گل فضه
بو زار خونجگرین سقط اولان بالاسینه باخ
.
باتاندا سینه مه مسمار محسنوم ئولدی
صولان بو غنچه گلون رنگ کهرباسینه باخ
.
اگر نصیب اولا « غمگینه » سامریاده
زیارت ایله مزارین حرم صفاسینه باخ
.
.
#عسکریه_شهادت
#بو_غم_نه_غمدی_گنه_غملی_ماجراسینه_باخ
#غمگین
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  بیریسی آغلاسا بیر قطره حضرت حَسَنه #حسنیه_سعدی_زمان

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی