زبدةالاشعار

بو قدر آغلاما گَلمه چوخ آه و زاره رقیّه #حضرت_رقیه_سعدی_زمان

زبانحال حضرت زینب (س) با حضرت رقیه (س)
.
✍️ زبدة الاشعار ✍️
.
🆔: @nohe_torki
.
مرحوم حسینی سعدی زمان
.
بو قدر آغلاما گَلمه چوخ آه و زاره رقیّه
سرشک چشمیوی توکمه بو گلعذاره رقیّه
.
چوخ آغلاما بالا، آغلار گوزون فداسی اولوم من
شرار آهیله سالما دله شراره رقیّه
.
یاتانموسان قوری یرلرده سینم اوستونه دور گَل
عزیز جان تک آلوم من سنی کناره رقیّه
.
حرم غزاله سی تک ظلم اَلیله چرخ جفاجو
سیر ایدوب سنی صیّاد جان شکاره رقیّه
.
ندور سبب بو گئجه آه و زاره گَلوبسن
چکوبسن اهل حرمدن اوزون کناره رقیّه
.
یوزون قویوب یره توپراقه سالما زلف سیاهون
گورنمرم باتا زلفون بیله غباره رقیّه
.
سولوبدی گُل کیمی رنگون ندن بیله سارالوبسان
ندور سبب ایدوسن ناله چون هزاره رقیّه
.
گُل عشقی خاره ایدر گرچه خوار بلبلی امّا
دوزَر سنون کیمی گُل هاردا جور خاره رقیّه
.
گوزونده یوخدی یوخی، آجلیقون ایدوب منه تاثیر
یزیدین اولسون یوزی قاره یوخدی چاره رقیّه
.
اوشاقلاریله دانیش، گُل چوخ ایتمه ناله و شیون
یارالی قلبیمه وورما اماندی یاره رقیّه
.
آز آغلا، خورداجا قیزلاریله ویر اَل اَله سنده
دولان خرابه نی بیر قدر ماه پاره رقیّه
.
سن آغلیاندا منیمده اولور گوزوم یاشی جاری
باخور منه گَلور اطفال آه و زاره رقیّه
.
آلوبدی دور و برون هاشمیّه لر، باخور آغلور
دوتوبدی دورِ مَهی گویا ستاره رقیّه
.
خوشا قیزیم سنون احوالیوه که قورتولوسان سن
یزید مجلسینی گورمَسَن دوباره رقیّه
.
«حسینیم» سیزه وار نسبتیم خانم نظر ایله
منی قوناق چاقور اول خورداجا مزاره رقیّه
.
سنی قسم ویرورم جدّیوه، شفیعه سن اول تا
که سالماسون منی حق بیر بیله فشاره رقیّه
.
.
.
#حضرت_رقیه_شهادت
#بو_قدر_آغلاما_گلمه_چوخ_آه_و_زاره_رقیه
#سعدی_زمان
#لمعات_حسینی ص 362
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  کاش اولیدی زادۀ ملجم الی شل یا علی #حیدریه_صافی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی