زبانحال حضرت رباب (س) با حضرت علی اصغر (ع)
.
.
✍️ #زبدةالاشعار ✍️
.
🆔: @nohe_torki
#سبک_یارالی_جان_یارالی … 4 سبک
.
محمد رنجبر باهر (رنجی تبریزی)
.
بو قدر ائتمه تقلّا علی قربانون اولوم
اوزووی یورما آز آغلا علی قربانون اولوم
.
.
منده سن تک سوسوزام لبلریم عطشاندی اوغول
قوری لبلر دئدیغیم سوزلره برهاندی علی
خیمه لرده هامی عطشان و پریشاندی علی
ایتمه مندن سوتمنّا علی قربانون اولوم
.
.
بولورم کی بوسوسوزلوق سنی بی خواب ایلیوب
سنی بو تشنه لیقین خسته و بی تاب ایلیوب
سوا دشمن اوزونی مالک و ارباب ایلیوب
یوخدی سو ایستمه بیجا علی قربانون اولوم
.
.
منی معنالی باخوب چوخلی خجالت ائلیسن
چوخ سوزون وار دیه سن لیک رعایت ائلیسن
هر باخیشدا منه مین دردی حکایت ائلیسن
ایتمه نیسگیل لی تماشا علی قربانون اولوم
.
.
باخورام هر یانا غم غصّه دی ماتمدی اوغول
کربلا قورخولی یئردور بو نه عالمدی اوغول
غم واندوه و مِحَن بیزلره همدمدی اوغول
بورا دور دشت غم افزا علی قربانون اولوم
.
.
سنه باخدوقجا اورک اودلانور ای نازلی بالا
قورخورام درد فراقون باشیما کولگه سالا
دست هجران منی سندن سنیده مندن آلا
قویا سنسیز منی تنها علی قربانون اولوم
.
.
ایستمه گل بو سودان صرفنظرایله اوغول
بوخطردن گوزووی اورت خذر ایله اوغول
آ ناوین حالی پریشاندی نظر ایله اوغول
سنه وئرمزله سو اعدا علی قربانون اولوم
.
.
تیرجانسوزوسنان یاغدیرار اعدا باشیوا
ایتمیوب رحم بو دشمن عمووا قارداشیوا
اوخ آتان نیزه ووران باخمیه جاقدور یاشیوا
چوخ خطرناکدی بو سودا علی قربانون اولوم
.
.
ایلیوب ناله منی زار و پریشان ایلمه
دردوغمدن گئجه گوندوز منی گریان ایلمه
اؤز فراقوندا منی واله و حیران ایلمه
گل منی چوللره سالما علی قربانون اولوم
.
.
یتیشیر موسم هجران اسیری باد فراق
بیر بئله بسدی داها چالما عطشدن ال ایاق
سنی پیکانیله سیراب ائده جاق اهل نفاق
بو قدر ائتمه تقلاّ علی قربانون اولوم
.
.
(رنجی ) بوماتم و غمده اورگن قان ائلیوب
گوزلرین یادیویله هر گئجه گریان ائلیوب
شیر خواره آدینی شعرینه عنوان ائلیوب
سنده ائت طبعینی گویا علی قربانون اولوم
.
.
#اصغریه_شهادت
#بو_قدر_ائتمه_تقلا_علی_قربانون_اولوم
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید