زبانحال حضرت اباعبدالله الحسین علیه السلام با شمر ملعون
.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی … 4 سبک
.
مرحوم صدری اردبیلی
.
بو قدر ظلم ایلمه ای ایوی ویران ئولورم
قویما خنجر باشیما من کی لب عطشان ئولورم
.
.
قویما خنجر باشیما حنجریم عطشاندی منیم
سینمون اوستی دولی ناوک پیکاندو منیم
بستریم تیر و سنان لبلریم القاندو منیم
زحمتیم چوخدو بیله بیلمه کی آسان ئولورم
.
.
نوک تیریله اولوب صفحه جسمیم اوراق
چوخدو سینمده یارا چکمه لی سن قویما ایاق
بو قدر یاره ایله بیر نچه ساعت آنجاق
داره دنیاده وارام قانیمه غلطان ئولورم
.
.
گر قساوتله سنون خاطرون الفت ایلیوب
خنجرون الده منیم قتلیمه سرعن ایلیوب
حالیمه خارجیلر باخدی مروت ایلیوب
کسمیوب باشیمی گوردی کی پریشان ئولورم
.
.
نَیَه مامورسن ای کافر بی شرم وحیا
تیز عمل ایله قوتار بلکه حسین راحت اولا
باشیمی کس ولی دوندرمه منی ساق و صولا
اینیجیدور یاره لریم جاری اولور قان ئولورم
.
.
خیلی مشتاقم اگر وصلت معبوده یتم
جان ویروب تشنه لبان مقصد و مقصوده یتم
بو قدر محنت وغمدن اولام آسوده یتم
محفل یاره اولام ملحق جانان ئولورم
.
.
نقدر حنجریمه خنجر بران قویاسان
بوسه پیغمبر ایدوب کسمز اونی تیغ وسنان
ایسته سون راحت اولام ذبح ایله باشیم دالیدان
سن یتیش مقصده منده ویرورم جان ئولورم
.
.
هانسی مذهبده روادور بو قدر ظلم وستم
تشنه جان ویرسون حسین چوللره آخسون علقم
منه بیر شربه سو ویر قوی سینمون اوسته قدم
اوندان ایت خانه ی ایمانویی ویران ئولورم
.
.
هر قدر محنت اولا دهرده اعظم دؤزَرَم
ائتدیگیم عهدیدی بو ایلمرم غم دؤزرم
یاندیروب ایلیه لر خیمه می برهم دؤزرم
دؤزمرم گر الیسه زینبمی افغان ئولورم
.
.
گلسه میدانه باجیم زینب غمدیده اگر
گورسه سینمده سنی سینه سینی چاک ایلیر
او قدر ناله ائدر عالم اولور زیر و زبر
آیری بیر محشر ائدر خلقه نمایان ئولورم
.
.
بار الها بحق خون شهنشاه شهید
گون بگون رونق اسلامی اؤزون ایله مزید
بیر تمنا ائدرم «صدریَم» ای شاه وحید
جان وئرن وقته دیم گور نجه آسان ئولورم
.
.
.
#قتلگاه #حسینیه_شهادت
#بو_قدر_ظلم_ایلمه_ای_ایوی_ویران_ئولورم
#صدری_اردبیلی
برگرفته از کتاب #یادگار_یحیوی
#ترکی
.
✍️ #زبدةالاشعار ✍️
.
🆔: @nohe_torki
نظر دهید