زبدةالاشعار

بو نه شورش دی گینه عالم امکانه دوشوب #ورود_محرم_آذرین_خلخال

ورود ماه محرم
گریز به حضرت عباس (ع)
.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی … 4 سبک
.
.
آذرین خلخال
.
بو نه شورش دی گینه عالم امکانه دوشوب
بو نه غوغادی نه بلوادی دل و جانه دوشوب
.
.
قارالوب رنگ هوا ؛ چشم زمان آغلادی قان
هامی آفاقه دوشوب سس اوجالوب آه و فغان
آغلاشور حور و ملک عالم پیدا و نهان
محنت و غصّه بو آی قلب محبّانه دوشوب
.
.
گوئیا یئرده بو آی محشر کبری گورونور
دیینوب بیر بیره عالم بیله بلوا گورونور
کاینات ایچره عجب قورخولی غوغا گورونور
بیر بویوک غصّه بو آیدا دل انسانه دوشوب
.
.
بو نه آیدی گیینوب دشت و چمن قاره عبا
بو نه آیدی گول اولوب بلبلیلن نوحه سرا
بو نه آیدی یئره گویدن توکولور گرد عزا
سیل غم دور؛ دیه سن باغیله بستانه دوشوب
.
.
صبح تیره گوره سن هاردان اولوب روی نما
یا طلوع ؛ گون ایلیوب غرب جهاندان عجبا
نه فقط نسل بشر قورموشیدی بزم عزا
بلکه آشوب و نوا حوری و غلمانه دوشوب
.
.
بو محرم آیی دور ماه غم و غصّه و شور
بو همان آیدی که قلبیم باشی یانور آلیشور
هامی بو آیدا حسین بن علیدن دانیشور
اسم اعظمدی بیله دیللره مستانه دوشوب
.
.
بیر بویوک غم ولی ایتدی هامی عشّاقی دلی
دیل گریزه تلسور یاده دوشوب پورعلی
سر سپهدار حسین دفتر غیرت غزلی
میر شجعان عرب ایندی بو عنوانه دوشوب
.
.
ساق صولون سالدی عدوقلبینی غم یاندیردی
مشکینه دگدی بیر اوخ تار امیدین قیردی
آه اوْ ساعت باشینا نوفل عمودین ویردی
آتی اوستن یوزی اوسته آقا میدانه دوشوب
.
.
یئریلن گؤی آراسیندا آقا ؛ زهرانی گوروب
سسلدی قارداش حسین گل ئورگی غصّه بولوب
گل ننون فاطمه ده دیدیمه السّاعه گلوب
شیرووی پیلدیلر قانلی بیابانه دوشوب
.
.
«آذرین» گؤزله حسین عشقینی باشدان آتما
ذلّتین سایه سینه دالدالانیب سن یاتما
فانی دنیایه گوره عشقووی ارزان ساتما
آییلوب گورمیه سن لکه بو ایمانه دوشوب
.
#ورود_محرم #آذرین_خلخال
#عباسیه_شهادت
#بو_نه_شورش_دی_گینه_عالم_امکانه_دوشوب
#ترکی
.
✍️ #زبدةالاشعار ✍️
.
🆔: @nohe_torki
.

متن پیشنهادی:  عاشقم کوی وفایه عاشقم #حسینیه_بابک_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی