بو نه غمدور نئچه ایلدور سنیله همدمدور

🏴تسلیت آذربایجان

✍️ زبدةالاشعار ✍️

🆔: @nohe_torki

محمدرضا صادقی

بو نه غمدور نئچه ایلدور سنیله همدمدور
قلب ایران یانوری گوز دولوسی شبنمدور

نه گلوبدور سنه ای ایرانمین تاج سری
یام یاشیل داغلاریوون حالی بیله برهمدور

اولمیا قیش یتیشَنده سویوغا یوخدی تابون
یوخ ، زامان یورقونوسان سن اورگون پرغمدور

آنا یوردوم ،وطنیم ،ای اوجا آذربایجان
سنه قرباندی بو جان بیرده ایکی دیدَمدور

سنی الله بو قدر غم یئمه غصه ایلمه
یارالی جسمیوه گوزیاشلاریمیز مرهمدور

دوزدی بو تیترَماقین سالدی بیوک درده بیزی
آنالار قلبی یانور گوزلری چون زمزمدور

لیک حقدن سنه باش ساغلیقی ایستور “شیدا”
یاشا دنیا بویی ، دنیا نه همین بو دمدور

بیرده احسن بوتون ایرانه که غم یولداشیدور
سنی تک قویمیاجاق عهدیلری محکمدور

از طرف اساتید و شعرا و اعضای محترم این مجموعه، جان باختن تنی چند از هموطنان عزیزمان در حادثه زلزله بامداد امروز را تسلیت عرض میکنم.
🏴🏴🏴🏴

.
✍️ #زبدةالاشعار ✍️
.
🆔: @nohe_torki