ورود به کربلا
.
✍️ زبدة الاشعار ✍️
?: @nohe_torki
.
مرحوم غلامعلی باقری الهامی (هوشی تبریزی)
.
.
بو وادی غم کرب و بلا دور باجی زینب
بیماره توزی خاک شفا دور باجی زینب
.
جدّیم خبر ایلوب بو یری روز ازلدن
لب تشنه گرک قانه بو صحراده باتام من
هر دردو بلایه باجی جان صبرایدسن سن
صبرایتماق ازل شرط وفا دورباجی زینب
.
گر چه دل ویرانیمی ویران ایدرم من
اوز عشقیمه عا لملری حیران ایدرم من
یتمیش ایکی جان شوقیله قربان ایدرم من
عشاقه بو یر کوه منا دور باجی زینب
.
بیر ایله ستم گوستری بو قوم ستمگر
ظلمیله قزل قانه با تار طرۀ اکبر
مجنون اولی هجرینده اونون لیلی مضطر
صحرا لره گردوشسه سزادورباجی زینب
.
بوچولده ایدرسوزعطش اصغری بی تاب
آغلار یانار احوالنه بیگانه و احباب
اوچ شعبه لی بیرتیریله آخراولی سیراب
مقصودی همین تیر جفا دورباجی زینب
.
عباسیم ایدر دینه باجی بیرایله خدمت
قـللارینی ظلمیله سالاراهل عداوت
بیرخردا جا قبرایچره یاتاراول اوجا قامت
اول قبرفرات اوسته صفا دورباجی زینب
.
امیدیله غملی دلیمی شاد ایدرم من
بو دشتی قزل قانیله آباد ایدرم من
بو چولده باجی قاسمی داماد ایدرم من
اوزقانی ولی الده حنا دور باجی زینب
.
عهد ایلموشم حضرت جانا نیمیلن من
سو گلشن اسلامه ویرم قانیمیلن من
ویرّم باشا بوعهدی سروجانیمیلن من
چون دینه حسین تشنه فدا دورباجی زینب
.
آزچشم گهرباری بوصحراده چوابر ایت
پیشه اوزیوه صبری باجی تابی قرار ایت
آچما باشیوی گلمه گلن شیونه صبر ایت
گورسن باشیمی زیب جدادورباجی زینب
.
بیر نهضته اوللام باجی بوچولده مهیّا
جدّیم بابا مون خدمتنی ایلرم احیا
لب تشنه توکر قانیمی بودشتیده اعدا
باخمازلابوقان خون خدادور باجی زینب
.
بیرایله مکان دورباجی بودشت غم آلود
مثلین داخی خلق ایلمیوب حضرت معبود
بیت اللهه بویردور اولان کعبۀ مقصود
هربقعه سی مین سعی وصفا دورباجی زینب
.
اول دم که باتارجسم حسین ظلمیله قانه
سوتک گلی قان چشمه سی هریان جریانه
یغـما یه آچـا ر ال بـاجی اشـرار زمانه
ایـلـلـّه او که ظـلـم و جـفـادور باجی زینب
.
چون کرب و بلا ظلمی یتر بوردا تمامه
گوزده گونوزون باجی دونر لیل ظُلامه
قول باغلی چکر قوم ستمگرسیزی شامه
مسکن سیزه ویرانه سرا دورباجی زینب
.
اوردا چخار آهون باجی افلاک برینه
خا موش اولار بلبل گلزار مدینه
یعنی که ویرر جان قوری یرلرده سکینه
بیر عمر ایشون آه و نوادور باجی زینب
.
هر یرده اوزوم بو قیزیمون قیدینه قالاّم
ویرانه ده گلّم بالامون گویلونی آلاّم
دیدمده ویروب یردیمه گوزدن اونی سالاّم
چون گوزلریمه نوروضیا دورباجی زینب
.
بو یرده گرک نخل وفا حاصله یتسون
امواج بلا باشدان آشوب کامله یتسون
من غرق اولارام کشتی دین ساحله یتسون
جانانه بو امرعین رضا دور باجی زینب
.
#سبک_ای_باد_صبا (بیش از 7 سبک)
.
#ورود_کربلا
#بو_وادی_غم_کرب_و_بلا_دور_باجی_زینب
#هوشی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید