ولادت امام حسن (ع)
.
✍️ #زبدةالاشعار ✍️
.
🆔: @nohe_torki
.
علومی تبریزی
.
بو گجه قویدی قدم عرصۀ دنیایه حسن
همدم اولدی آناسی حضرت زهرایه حسن
.
.
یازولار نامۀ اعمالنه یوزمین حسنه
دوتا هر کیم بو گجه جشن تولد حسنه
ای علی شیعه سی گل بیر بیله فرصتدی سنه
صله احسان ایده جاق جمله احبّایه حسن
.
.
بودی وارث اسداللّهه وجودی برکات
بودی محشرده ویرن امّت اسلامه نجات
بو وجودین آدینا ذکر ایله دلدن #صلوات
اولوب آغوش رسول اللهَه پیرایه حسن
.
.
حق یکتا ویروب اوز قدرتنی خلقه نشان
نیمه ماه مبارکده اولوب لطفی عیان
گتوروب ملک وجوده حسنی گنج نهان
زیور و زینت اولوب صحنه دنیایه حسن
.
.
گتدی اندوه و محن نیمۀ ماه رمضان
گلدی دنیایه حسن نیمۀ ماه رمضان
ایتدی دنیانی وطن نیمۀ ماه رمضان
شوقیله سالدی اوزون دامن مولایه حسن
.
.
صورت پاکی حسن الفت و رفتاری حسن
حُسنله ویردی صفا یثرب بطهایه حسن
.
.
مجتبی دور لقبی عالم ایجادیده تک
بو ملاحتده گُل اولماز بو کرامتده ملک
سنگر دینه نگهباندی بو اسلامه کُمک
سبط اکبر یارانوب حضرت طاهایه حسن
.
.
بونی خلقتده گوزل خالق یکتا یارادوب
خلقده خُلقده بو سروری تنها یارادوب
هامی اوصافده الله بونی زیبا یارادوب
مایۀ رشکدی الحق هامی زیبایه حسن
.
.
گوردی گورجک دیدی اوّلده آنا به به به
باغرینا باسدی دیدی شیر خدا به به به
یتدی طاهایه باخوب سویلوب اودا به به به
اوخشوری گوردوله بیر نوگل رعنایه حسن
.
.
یتور ای باد صبا عرضمزی زهرایه
سوله یافاطمه گل بو گجه بو ماوایه
شیعه لر جشن دوتوب اوغلوا باخ سودایه
گرک احسان ایلیه اهل تمنایه حسن
.
.
گلموشوخ ایمدیکه بو مجلسه بیز غرق گناه
ایستروخ بو حسن اولسون بیزه هر پرده پناه
قوزیاخ ال گویه شوقیله دیاخ یا الله
بیزی عفو ایت بو گجه گلدی بو دنیایه حسن
.
.
.
.
#حسنیه_علومی_تبریزی
#حسنیه_میلادیه
#بو_گجه_قویدی_قدم_عرصۀ_دنیایه_حسن
#ترکی
.
✍️ #زبدةالاشعار ✍️
.
🆔: @nohe_torki
نظر دهید