میلادیه حضرت خاتم الانبیاء (ص)
.
✍️ زبدة الاشعار ✍️
.
🆔: @nohe_torki
.
مرحوم علی اکبر حامدی تبریزی
.
بو گونده اولدی عیان نور احمد محمود
منوّر ایلدی آفاقی اُول مه انور
.
ربیع الاوّلین اون یدیسی دوشنبه گونی
قدم بو عالمه قویدی او فخر جنّ و بشر
.
بو گونده طاق انوشیروان شکست اولدی
بنای کنگرۀ باطل اولدی زیر و زبر
.
نظامی لات و مناتین بو گونده برهم اولوب
ایدوب بو واقعه چوخ بت پرستلری مضطر
.
ایدوب منادیِ غیبی ندای جاءَالحق
اولوبدی باطل عدم گلدی حقّ پیغمبر
.
حق ایستدی بونیله انبیانی ختم ایتسون
بشارتیدی بونا اُوُل گلن پیمبرلر
.
بو فخر عالم ابداع علت ایجاد
بونون وجودینه تشکیل تاپدی عالملر
.
ایدوبدی عرش خدا رشک سطح غبرایه
مُشرّف اولدولا پابوسینه ملائکلر
.
بونیله دینینی تکمیل ایدوبدی ربّ جلیل
اولوب بو دینیله منسوخ تمام مذهبلر
.
آچیلدی باب هدایت تمام خلق اوزینه
اولوبدی رهبر آئینِ خالق اکبر
.
ویروبدی دین خداونده گون بگون ترویج
هدایتین گونی دوتدی جهانی سرتاسر
.
یتنده قرخ یاشا اولدی هدایته مبعوث
گلوبدی تهنیته اهل نُه سما یکسر
.
عربده رسمیدی سنّی جهاندا قرخ اولانین
سوزین حسابه قویالّار ویرر نتیجه اثر
.
اودور رسالتینی قرخ اولاندا ظاهر ایدوب
پیمبریدی ازلدن ولی بو فخر بشر
.
ایدردی بیر به بیر احکام دینی خلقه بیان
دیماقا حق سوزینی قویمادی منافقلر
.
یالانچی ساحر و کذاب آدیله سسلدیلر
توکردی باشینه کول طعن ایدردی دشمنلر
.
اودور زمانه ده « مَا أُوذِی نَبِی » دیدی (1)
تحمل ائتدی یتوب هر قدر جفا و کدر
.
ووروبلا سنگ جفا پارچالاندی سجده گهی
آخوبدی قرمزی قان ایتدی گل یوزین احمر
.
همین بو قومیدن اشرار کوفه مشق آلدی
حسینین آنّینا داش ووردی کونه سالدی شرر
.
بحق خون حسین رحم قیل بو زاره خدا
بو حالیله اله کیم «حامده» حمایت ایدر
.
(1)«مَا أُوذِی نَبِی مِثْلَ مَا أُوذِیت؛ هیچ پیامبری مثل من اذیت نشد.»
مناقب ابن شهرآشوب، ج 3، ص 247.
.
.
.
#17ربیع
#بو_گونده_اولدی_عیان_نور_احمد_محمود
#حامد_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید