زبدةالاشعار

بو گونده حسین مذهب وایمانی دیریتدی #حسینیه_کهنمویی

#پیام_نهضت_کربلا
.
✍️ #زبدةالاشعار ✍️
.
🆔: @nohe_torki
.
مرحوم سید حسین کهنموئی (ریاضی تبریزی)
.
بو گونده حسین مذهب وایمانی دیریتدی
دیندن کج اولان پایه و ارکانی دیریتدی
.
.
گوردی پوزولوب حالتی جان اوسته دی قرآن
قرآنه ویروب قانینی قرآنی دیریتدی
.
.
گوردی ایلیوب حرّی ظلالت یولی گمراه
بدبخت اولاجاق ایلمسه مطلبه آکاه
یول ویردی نشان اولدی مسلمانِ خدا خواه
بیر حرّ کیمی تازه مسلمانی دیریتدی
.
.
دین اهلینی غافلدی گوروب مذهب و دینه
بولموبله نه صدمه ویرولور دینِ مبینه
اعلام خطر ایلدی سکّان زمینه
بو نهضتیله روح جوانانی دیریتدی
.
.
قرآنی گوروب آلت ایدیر دست سیاست
بوطرزیله ظالملر ایدیر خلقه ریاست
هر مسلمه لازم ایده قرآنی حراست
هر کس واریدی قدرت و امکانی دیریتدی
.
.
گوردی که یزید ایلوری دانشگهی تعطیل
قرآن اوخین ایتمیه معناسنی تحصیل
الفاظ اوخونا بسدی نه تفسیر نه تأویل
معناده اولان نور درخشانی دیریتدی
.
.
گوردی که نه دین واردی نه قرآندان اثر وار
نه جدّی پیمبر گتورن حکم و خبر وار
دیندار اولان اشخاصیدن اسلامه ضرر وار
جدّی گتورن دوره و دورانی دیریتدی
.
.
گوردی که اولور باغ نبی گل لری خندان
پامال اولونور صَرصَریله باغ و گلستان
گل لر داغلوب ایستور اولا دین ایوی ویران
خون دلی پژمرده گلستانی دیریتدی
.
.
گوردی که گرک دایر اولا مکتب قرآن
قرآن اوخیه آنلیه قرآنی مسلمان
قرآنه عمل اولماسا یوخ مذهب ایمان
اسلامده بی روح اولونان جانی دیریتدی
.
.
گوردی که فدا ایلَمَسه جانینی دینه
لب تشنه ئولوب ویرمسه اوز قانینی دینه
دین قالماز اگر ویرمیه قربانینی دینه
یتمش ایکی قان ویردی که بیر قانی دیریتدی
.
.
گوردی بویوروب جدّی پیمبربو کلامی
ایرانلی لارین بعضی سینون خوشدی مرامی
بو نهضتی دنیایه تانتدوردی امامی
تا شیعه لری خِطّۀ ایرانی دیریتدی
.
.
گوردی که پیمبر بویوروب هاردادی سلمان
سلمانی تانتدوردی مسلمانلارا قرآن
نسلندن اونون پاک اولی بی عدّه مسلمان
بو نهضتی ذرّیۀ سلمانی دیریتدی
.
.
یازدی بو سوزی سیّد حسین آدلی ریاضی
تا عبرت اولا دورۀ آیندیه ماضی
تا خیر عَمَلندن اونون الله اولا راضی
یوخدان یارادان عالم امکانی دیریتدی
.
.
#حسینیه_شهادت #حسینیه_مدح
#بو_گونده_حسین_مذهب_و_ایمانی_دیریتدی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای باشی اللرده گزن حسینیم حسینیم #تنورخولی_عباس_بلندی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی