بو گون او گوندور غبار محنت دوتوبدی یكسر جهانی یارب #صادقیه_معینی_فرد

شهادت امام جعفر صادق علیه السلام
.
✍️ زبدة الاشعار ✍️

?: @nohe_torki
.
سیّد ولی الله معینی فرد (واله)
.
بو گون او گوندور غبار محنت
دوتوبدی یكسر جهانی یارب
اولوبدی مسموم امام صادق
چخار سپهره فغانی یارب
دوتوبدی محنت جهانی یارب

.
ستمله منصور بی مروّت
ویروبدی زهری او مقتدایه
آچوبدی باشین بهشته طاها
گلوب باباسی علی نوایه
آناسی زهرا دیوب اوغول وای
هامی ملك لر باتوب عزایه
بو ماجراده چو سیل عذاره
آخوب سرشك روانی یارب

.
امان او دمدن امام عصره
او زهر كینه ایدوبدی تاثیر
سولوب امامین جمالی گل تك
تاپوبدی رنگ منیری تغییر
الی اوركده یوزه آخاردی
سرشكی دائم او شاه دلگیر
اولاردی ظاهر مدام او شاهین
غم و ملال نهانی یارب

.
بو شیعیانون بو گون دمادم
سزادی چخسون گویه نواسی
او قطب عالم امام صادق
اولوبدی بو گون غم ابتلاسی
اساس عیشی ایدوبدی برهم
جهاندا یكسر امام عزاسی
نه جراتیله او شاهه منصور
روا گوروب بو جفانی یارب

.
ز بس وجود امام حقّه
اولوب موثّر او زهر كینه
ایدنده رحلت تمام عیالی
دوتوبدی ماتم او شاه دینه
او مقتدانین شهادتینده
بو ظلم و كینه اولوب زمینه
قوروبلا بزم عزا و ماتم
امامه رحلت زمانی یارب

.
بو غمده عالم باتوب عزایه
دوشوب شراره دل جهانه
شهی الیندن گیدن رعیّت
سزادی دائم گله فغانه
اولوبدی بیت الحزن بو دنیا
دونوب اوركلر بو غمده قانه
ایدوبله بزم عزا ملك لر
بو غمده باغ جنانی یارب

.
#گریز #قتلگاه
.
بو چرخ سفله سالوب بلایه
جهاندا آل عبانی یكسر
بیر اوزگه محنت دوشور خیاله
ایدور بو زاری ملول و مضطر
بلا چولینده سپاه كوفه
قویوب قوم اوسته حسینی بیسر
آخاردی قانی یارالاریندان
گیدردی الدن توانی یارب

.
زبسكه اعدا ووروبدی یاره
اولوب وجودی یر اوسته خندان
نه بیرجه سایه نه بیرجه ساتر
قویوب كفنسیز او شاهی عدوان
جفا الیله او مقتدانون
سویوب لباسین قویوبلا عریان
گلنده زینب او قانلی نعشین
گوروب كه یوخ بیر نشانی یارب

.
تانولّا نعشی باشیله رسماً
یوخیدی یارب باشی بدنده
بدن یارالی نه ال سلامت
نه بیر لباسی قالوب او تنده
گون ایسّی سینده دوشوبدی نعشی
گیدوبدی یغمایه پیرهنده
یره اوتوردی او وضعه باخدی
گیدوب الیندن توانی یارب

.
دیردی قارداش سسیمه ویر سس
یاخوندی ئولسون بلالی زینب
سنون بو حالون سالار خیاله
یانار اوركدن حیالی زینب
بو « والهونده » فزوندی همّی
توجّه ایت ای وفالی زینب
دوباره ایتسون بیان بو وردی
دوتوبدی محنت جهانی یارب

.
#سبک_آچیلدی_پرچم ( 10 سبک )

.
#صادقیه_شهادت
#بو_گون_او_گوندور_غبار_محنت
#معینی_فرد
#ترکی
.
✍️ #زبدةالاشعار ✍️

?: @nohe_torki