میلادیه حضرت امام زمان عَجّلََ اللهُ تعالی فَرَجَهُ الشَّریف
.
.
.
#سبک_شب_میلاد … 4 سبک
.
.
مرحوم حاج بیوک اعظمی تبریزی
.
.
بو گون بیر عید اعظمدور صبا ویر مژده زهرایه
دی اوغلون حجّت قائم قدم قویدی بو دنیایه
.
کُر :
مَلَک منظر گلوب
گوله بنذَر گلوب
.
.
.
ازل بو اهل اسلامین دلینجه عرض تبریک ایت
صورا سویله که ای محبوبه ذات حیّ یکتایه
.
سپهر فضلسن عالمده جانلار شانیوه قربان
سزادور افتخار ایتسن همیشه چرخ مینایه
.
سالوب اولدوزلارون شعله جهانه شمع رخشان تک
یانالّار لیک سونمَزلر بولار مشعلدی عقبایه
.
او دم که ایستدی ویرسون جهانه زینت و زیور
یاراتدی حق سنی گنجینه اون بیر دُرّ زیبایه
.
او اون بیر گوهر شبتابیله دنیا تاپوب زینت
اولار معناده پیرایش ویروب بو سطح غبرایه
.
اونی گَلمیشدی دنیایه قالوردی بیر دُر رخشان
اودا گلدی جهانه خلق یتدی فیض عظمایه
.
اولوردور قائم آل محمّد گون کیمی طالع
رخ پرتو فشانیندن ویروبدور جلوه دنیایه
.
ایله بیر گل آچیلدی گلشنونده ای گل طاها
وورار مین طعنه عطری گلشن فردوس اعلایه
.
نه گل بیر هیکل توحیددور مریم گَله ای کاش
گوره بو دم ویروبدور عالم معناده عیسایه
.
ایله گلدور بو گل یکسر جهانی چولقیوب عطری
تماشا ایلین دویمور، اوزنوده گَل تماشایه
.
ولی یا فاطمه گَلسن گذارون کربلادن سال
حسینه ویر خبر ای صبر ایدن هر ظلم و ایذایه
.
بویور یاتما حسینیم انتقامون دور آلان گلدی
گوزل قانون قالا یرده بو مشکلدور او مولایه
.
تشیّع عالمینده وار بو گون بیر اوزگه احساسات
صدای البشاره اوج ایدر یرده ثریّایه
.
جهانه سس دوشوب یکسر گلون صاحب زمان گلدی
اوجالدی پرچم اسلام آرتدی دینه پیرایه
.
امام منتقم دور بو، آلان اوز جدّینون قانین
بو مولادور سالان لرزه جهاندا قلب اعدایه
.
بو مهر عالم آرادور گون اوندان کسب نور ایلر
بو بیر گنجینه ی عزّتدی عالمده گران مایه
.
بو بیر شمع شبستاندور سالان عالملره شعله
هامی جانلاردی پروانه جهاندا بو دل آرایه
.
بو بیر عنبر فشان گلدور تماماً گللره مفخر
بو بیر سرو دل آرادور سالار عالملره سایه
.
بو بیر ماه درخشاندور گَزر گرچه بولود ایچره
ولیکن حکم فرمادور یره خلقه گونه آیه
.
بو حجّتدور اولان قائم گزن چوللرده سرگردان
سالان سوز غمی هر آن شراره کوه و صحرایه
.
بو شه چوخ جدّینون آخِر وداعین یاد ایدوب آغلار
دیر جدّا ویرر بو غم قرار و صبری یغمایه
.
اودم که آیریلوردون سن گوزی یاشلی حرملردن
دوتوبلار دامنون قیزلار توکوبلر اشک سیمایه
.
ره حقده او گون جدّا رقیّندن ال اوزدون سن
دالونجا قالدی آهو تک مَلر، تُف بیله دنیایه
.
اوزونده آیریلانموردون او دردانه اوشاقلاردان
او حالیله ویرردون سن تسلّی آل طاهایه
.
منی قان آغلادار هر آن عمّم زینبون حالی
آنام زهرا کیمی دوشدی باشی عالمده غوغایه
.
امام منتظَر، باب کرمدور درگهون خلقه
اودور که “اعظمی” درگاهیوه گَلدی تمنّایه
.
هانی منده لیاقت اولماقا نوکر شه دینه
ولی فخر ایلرم من خادم اولسام امّ لیلایه
.
.
#مهدیه_میلادیه
#بو_گون_بیر_عید_اعظمدور_صبا_ویر_مژده_زهرایه
#ترکی #مهدیه #اعظمی_تبریزی
#زبدةالاشعار
نظر دهید