شهادت حضرت علی (ع)
.
✍️ #زبدةالاشعار ✍️
.
🆔: @nohe_torki
.
مرحومه ام لیلی ( کنیز فاطمه )
.
بو گون شیر الهی شاه افلاک
علی محرابده قانه باتیبدیر
ولیّ حق وصیّ شاه لولاک
علی محرابده قانه باتیبدیر
.
شل اولسون ابن ملجم اللرینی
که زهریله سووارمیش خنجرینی
نماز اوسته پارالادی سرینی
علی محرابده قانه باتیبدیر
.
.
ملائک ائیلدی گویلرده افغان
یوخودان زینبی اولدی هراسان
چیخیب صحنه اودم چاک گریبان
علی محرابده قانه باتیبدیر
.
///افراد///
.
نه تنگ اولور اوره گیم ای خدای لیل و نهار
بو گون بابام علینون بیلمیرم باشیندا نه وار
.
یریله گوی آراسیندان گلیر صدا ایندی
دورون ایاقه بو گون عالمین بئلی سیندی
.
یتیشدی آل عبایه بو دردناک خبر
دورون ایاقه گورون باشیمیزه گلدی نلر
.
///نوحه///
.
چکیب جبریل گویدن بو صدانی
ائدیبلر قانه غلطان مرتضانی
خبردار ائیلیون آل عبانی
علی محرابده قانه باتیبدیر
.
.
گوروندی ابتدای ظلم نسناس
بو گون عرش و زمین جمله دوتور یاس
دئیین گلسین هانی غیرتلی عباس
علی محرابده قانه باتیبدیر
.
///افراد///
.
یتنده بو خبر عباسه چکدی افغانی
غضب لنوب گوتوروب خنجر اول وفاکانی
.
ائدردیله حسنین ائیله اوندا ناله و آه
نه حالتیله محبّین دیوم معاذالله
.
یئتیشدی آل عبا مسجده به دیده تر
نه گوردیلر اوزمان قانینه باتیب حیدر
.
ووراردی باشینه زینب دئیردی ای باباجان
امان بو جور و جفادن امان امان باباجان
.
بیلنمیرم ندن ای گلشن نبوته بولبل
همیشه مشکل آچانین ایشی اولوب مشکل
.
///جواب///
.
تحمل ائیله گیلن محنت و بلایه قیزیم
که ساخلا آغلاماقون دشت کربلایه قیزیم
.
///نوحه///
.
حسین ایله حسن گلدی نوایه
یتوردی اؤزلرین شیر خدایه
باتیب کلثوم ایله زینب قرایه
علی محرابده قانه باتیبدیر
.
.
گئدیردی اهلبیت با چشم گریان
یتنده مسجده گوردیله یاران
محاسینی اولوب قانیله الوان
علی محرابده قانه باتیبدیر
.
.
دوشوبدور شاه دین اول دمده بیهوش
چراغ دین اولوب ظلمیه خاموش
باشیندان قان ائدر فواره تک جوش
علی محرابده قانه باتیبدیر
.
.
توکردی گوز یاشین رخساره زینب
دئییردی کیم ووروب بو زخمی یا رب
بوایشده بیلمیرم واردور نه مطلب
على محرابده قانه با تیبدیر
.
.
باباجان فرقتین بوکدی بئلیمی
آناسیزام بابا آچما دیلیمی
عدو ظلمیله سولدوردی گولیمی
على محرابده قانه باتیبدیر
.
.
دئدی ئوللم قیزیم، سینه وى داغلا
آلیب معجراله باشیمی باغلا
«کنیز فاطمه» وور باشه آغلا
علی محرابده قانه باتیبدیر
.
.
#حیدریه_ام_لیلی
#حیدریه_شهادت
#بو_گون_شیر_الهی_شاه_افلاک
#ترکی
.
✍️ #زبدةالاشعار ✍️
.
🆔: @nohe_torki
نظر دهید