میلادیه حضرت امام حسن مجتبی علیه السلام
✍️ زبدة الاشعار ✍️
🆔: @nohe_torki
کربلایی رحیم شایان
بو گون گویدن فیوضات خدای ذوالمنن گلدی
سرور قلب پیغمبر صفای پنج تن گلدی
ملایک تهنیت گویان ویریلدی عالمه زینت
مدینه نور باراندور که ماه انجمن گلدی
رسول الله گلوب وجده ایدور معبودینه سجده
دیور یارب ایوین اباد قرار قلب من گلدی
بزه ندی جنت الاعلا سویندی عالم عِلوی
کریم ال پیغمبر صفابخش چمن گلدی
سرور و بهجت ارتیردی بوتون عالملره مولا
تمام کهکشانلاردا دوشوب سس که حسن گلدی
جوانان بهشته چون اولار سرور بو زیبا رو
بهشت عاشقدی بو طفله اونا زیور ویرن گلدی
گلوب دی جانب حقدن گوزل ادی بو مولودون
ملایک عشقیله دلدن بونا لای لای دین گلدی
ویریب یمن قدومینه ولیمه حضرت خاتم
رسوله سویلویه تبریک فرشته عرشیدن گلدی
الوب اغوشینه طفلین چالور لای لای اونا زهرا
دیور شکر اولسون اللهه کریم ممتحن گلدی
کیمین اولسا بیله اوغلی داهی نه ایستر اللهدان
اورکلر عشقیوه دایم محبتدن اسن گلدی
جسیم اوغلوم بسیم اوغلوم حلیم اوغلو م کریم اوغلو م
سنه یوسف سنه یعقوب اوغول قربان کسن گلدی
وجاهتده کرامتده سخاوتده شجاعتده
و یا صبر و شکیباده سنه کیم بنزین گلدی
گوره رخساریوی بیر دم چکر صف خیل عشاقون
دیه للر بیر بیره عاشقلرون وجه الحسن گلدی
#حسنیه_میلادیه
#بو_گون_گویدن_فیوضات_خدای_ذوالمنن_گلدی
#حسنیه_شایان_ارومیه
#ترکی
✍️ #زبدةالاشعار ✍️
🆔: @nohe_torki
نظر دهید