شب عاشورا
.
✍️ زبدة الاشعار ✍️
?: @nohe_torki
.
مرحوم احمد خانی «شکیب»
.
بو یئر قربانگه جاناندی، حاشا اِیلین گیت سین
ئولوم وار،قانه باتماق واردی،پروا ایلین گیت سین
.
بو یئر کانونِ آزادی و مأوای شهادت دور
بو یئر عشاقی کوی دلبره بزم محبت دور
بو یئر جان برکفانِ عشقه خلوتگاهِ وصلت دور
رموز خلوتِ عشاقی افشا ایلین گیت سین
.
گرَک یاره فدا اولماقلیقا شایسته لر قالسون
محبت عالَمین سِیر ایلین دلبسته لر قالسون
رها قید تعلّق دن اولان وارسته لر قالسون
آتوب معنانی باشدان فکر دنیا ایلین گیت سین
.
تحمل اِتمَسه هرکیمسه جور و ظلم اَعدانی
گِئجه یله ترک قلسون مجمع عشاق عرفانی
قالان جان قِیدینه، درک اِیلیینمز وصل جانانی
باش آلسین ادعای عشق بیجا ایلین گیت سین
.
ریاست اهلی ظاهرده ائدوب اسلامی دست آویز
ولی باطنده مین لر مکریله بو فرقۀ خون ریز
ائدوب تبلیغ کفریله مرام تفرقه انگیز
بو اَمره بی طرف لر یا تماشا ایلین گیت سین
.
دوتوبدی چهرۀ اسلامی آی تک هالۀ ظلمت
خلافت مسندینده دشمن قرآن و حریت
شریعت صاحبیندن جبراً ایستیر تا آلا بیعت
قالا باطل ولی اسلامی احیا ایلین گیت سین
.
نقدری من وارام قویمام چاتا اهدافینه اعدا
گرک قانه بویانسامدا اِدَم اؤز عهدیمه ایفا
خیانت پیشه و غاصب جنایتکاریلن امّا
بئش اون گون عمردن خاطر مدارا ایلین گیت سین
.
مدارا ایلماق افواج گمراهیله بدعت دور
شقاوت اهلینه بیعت،جهاندا عین ذلّت دور
باش اَیماق ظالمه انکار احکام شریعت دور
اُزون بو ذلّت و کفره مهیا ایلین گیت سین
.
گرک یارسین سحاب ظلمتی خورشیدِ عاشورا
شعاع نورینه تا غرق اولا دنیا و مافیها
بودور قصدیم اِئدَم احکام دینی قانیله اِحیا
مخیردی رفاهِ جان تمنّا ایلین گیت سین
.
تاپوب ارکانِ دین رخنه جفایِ قوم اعدادن
گلوبدور جانه مؤمن لر فساد و جور و ایذادن
حقیقت زنده اولماز فکرتِ امروز و فردا دن
آچیقدیر یول، غم امروز و فردا ایلین گیت سین
.
اَزَل گوندن بودور عهدیم ئولَم دین خدا اوسته
آخا قان پیکریم دن چشمه تک عشق و وفا اوسته
قالا توپراق لار اوسته پیکریم،باشیم جدا اوسته
گرک دور دین قالا، دیندَن تبرّا ایلین گیت سین
.
گرکدور جوهر جانیم ائده دین گلشنین زنده
لوای عشقیم اولسون هر ایکی دونیاده پاینده
قوتولسون قید و بندِ کفردن تا نسل آینده
منیم اهدافیمی شکیله معنا ایلین گیت سین
.
«شکیبا» کیمسه ایستر باب عشقه محترم گلسین
گرک دی جان و دل دن اولسون اهلِ سوز و غم گلسین
قارا آغ فرقی یوخ گلسین،عرب گلسین،عَجَم گلسین
فقط افکار شاهِ عشقی حاشا ایلین گیت سین
.
#شب_عاشورا
#بو_یئر_قربانگه_جاناندی_حاشا_ایلین_گیت_سین
#شکیب_تبریزی
#ترکی
.
✍️ #زبدةالاشعار✍️
?: @nohe_torki
نظر دهید