در شأن و جلال حضرت زهرا (س) و شهادت ایشان
.
.
.
حاج مجید بدایعی (اشکی تبریزی)
.
بُلنمورم ندی شان و جلالی فاطمه نون
بُلر بو نکته نی بیر لایزالی فاطمه نون
.
بونون جلالت و شأنینده عقل حیراندور
یارانمیوبدی یارانماز مثالی فاطمه نون
.
اگر قلم اولا اشجار نوح اولا منشی
یازا کماله یتیشمز کمالی فاطمه نون
.
وجودی علّت ایجاد کون و امکاندور
ایدر محاط هامی فکری خیالی فاطمه نون
.
دئسم بشردی خطادور بو سوز او خاتونه
سوائیدی بو بشردن خصالی فاطمه نون
.
بشرده بیر بیله شأن و جلال اولا بلمز
هانی بشرده اولان ابتهالی فاطمه نون
.
بو بیر شجردی که اون بیر امام میوه سیدور
تمام نوریدی هر بیر نهالی فاطمه نون
.
او گونکه خلق ایلدی گوگلری خدای جهان
قویوب ملکلری حیران جلالی فاطمه نون
.
سپهر ظلمتی نور بتول اطهردن
منَّور ایتدی حق ذوالجلالی فاطمه نون
.
ایدردی صحبت آناسی خدیجه بطنینده
آنایه مونس اولاردی مقالی فاطمه نون
.
خدیجه نین یانینا گلمدی زنان قریش
جهانی روشن ایدن گون جمالی فاطمه نون
.
ولیک بیر نچه خاتون خلد اعلادن
ایدوبدی نازل حق لایزالی فاطمه نون
.
بهشتیدن یره حله گلوب به امر خدا
ثبات شأنینه بسدور بو حالی فاطمه نون
.
او حلیّه بوکولوبدی لطیف جسمی ، یوزی
مباد صورتی گل تک سارالی فاطمه نون
.
بو عزّتیله جهانه قدم قویوب بو خانم
گورون نه وجهه دونوبدی مآلی فاطمه نون
.
ائدوبدی رحلت او گونکه آتاسی پیغمبر
چوخالدی دلده کی درد و ملالی فاطمه نون
.
ازل جفائیله اودلاندی درگهی یاندی
ترحُّم ائتمدی خصم ضلالی فاطمه نون
.
قاپی دالیندا قالوب بُلمورم نه ظلم اولدی
آخوبدی گل یوزینه اشک آلی فاطمه نون
.
شهید اولوبدی اونون محسن آدلی بیر بالاسی
یتوب زواله ستمله هلالی فاطمه نون
.
چکنده بیعته جوریله شیر یزدانی
دونوبدی قانه سرشک زلالی فاطمه نون
.
دوتوب علینین او حالیله دامنین محکم
حمایت اولدی امامه خیالی فاطمه نون
.
نجه دیوم بو سوزی یا بقیّة الاخیار
او قدری قالمادی یتسون زوالی فاطمه نون
.
آیردی قنفذ بی رحم باخمادی او دنی
قولی لطیفیدی وورسان قرالی فاطمه نون
.
آغاردی زلفی آز عمریله درد و محنتدن
اولوب الف قدی بیر شکل دالی فاطمه نون
.
مریضه اولدی یاتوب بسترمصیبتده
جوانلیقندا یتیشدی رحالی فاطمه نون
.
بو یرده ساخلا الین بسدی شرح غم #اشکی
پوزار امام زمانی او حالی فاطمه نون
.
.
#فاطمیه_شهادت
#بلنمورم_ندی_شان_و_جلالی_فاطمه_نون
#اشکی_تبریزی
#ترکی
.
.
نظر دهید