زبدةالاشعار

بیرعدّه یقین اهلی فدا اولدولا دینه #حسینیه_کهنمویی

#پیام_نهضت_کربلا
.
✍️ #زبدةالاشعار ✍️
.
🆔: @nohe_torki
.
مرحوم حاج سید حسین کهنموئی
.
بیرعدّه یقین اهلی فدا اولدولا دینه
تفسیرعمل یازدیلا قرآن مبینه
.
.
قرآنه عمل ائدّیله قرآن اوخینلر
قرآن یولونی گیدّیله قرآن اوخینلر
.
.
دین دردینون اظهارینه یازمیشدی عریضه
دین اوسته حسین ئولماقینی بولدی فریضه
دکتر اؤزینی هاردا فدا ایتدی مریضه
بنده اولان آللّهه ایدر بو ایشه اقدام
عالَم لره او بنده لیقین ایلیه اعلام
.
.
آیات مبین درده دوا اولماسا اولماز
دینه اینانان دینه فدا اولماسا اولماز
قرآن اُوخیین مرد خدا اولماسا اولماز
قرآن بیزه برنامۀ روزانه دی مطلق
پیغمبرینه نازل ایدوب خالق برحق
.
.
بیرعدّه که بدر اهلیدی اسلامه نمونه
یتمیش ایکی تن عامل احکامه نمونه
بیرعدّه بیزوخ مردم بدنامه نمونه
قرآنی آتوب دینیمزه مایۀ ننگوخ
عار ایلمروخ تابع قانون فرنگوخ
.
.
قرآن اُوخیَن بولسه ندور آیه ده منظور
قرآن اُوخیَن بولسه ویروب حق نجه دستور
صوری عملی ایلمز اصلا اونی مغرور
تابع اولار احکام خداوند غفوره
بدخواه اولی بدبین اولی هر صاحب زوره
.
.
قرآن اُوخویان دینینی دنیاسینه ساتماز
مسلم دئیلن پرچم کفّاری اوجاتماز
قرآن اُوخویان عاقل و بیدار اولی یاتماز
قویماز وطنینده تاپا دینسیزلری قدرت
کافر تاپار ال مؤمنه گر ایلسه غفلت
.
.
قرآن اُوخویان ثابت اولار دینیده قاشماز
کافر اَیاقین مملکت مسلمه آشماز
مسلملره کافرلرین آدابی یاراشماز
احکام خدا زوریله هرگزعوض اولماز
مسلم دییلن تابع نفس و غرض اولماز
.
.
قرآن اُوخویان نورودی نوره لَکَه دوشمز
مؤمن ایاقی ثابت اولار دینده سوروشمز
مؤمن دییلن ئولسه ده دین حدّینی گشمز
مؤمن ئوزوده مالیده اسلامه فدا دور
من که دیمورم بو سوزی بو امرخدا دور
.
.
قرآن اُوخویان باشینی کسمز له قفادن
قرآن اُوخویان نعشینی سویمازلا جفادن
قرآن اُوخویان جلوه ایدر نوک جدادن
ظلمتکدۀ ظلمده نور حق آچیلسون
حق پرچمی هر نقطۀ دنیاده ساچیلسون
.
.
قرآن اُوخویان لعنت ایدر دشمن دینه
قرآن اُوخویان عجز ایله مز شمر لعینه
قرآن اُوخویان روحی گیدر عرش برینه
قرآن اُوخویان خالقینه ایلر عبادت
خوشحال اولی جسمیده نقدر اولسا جراحت
.
.
شاگردینه تعلیم ایلیوب مکتب قرآن
ظلم و ستم و جوری قبول ایلمه بیرآن
کافرلره محتاج اُوزیوی ایتمه مسلمان
کافر اولا دنیاده گرک مؤمنه محتاج
حق دینیده حق دولتی کافردن آلا باج
.
.
قرآن ایلیوب ذلّتی مؤمنلره تحریم
هر مسلمه اسلام ویروبدی بیله تعلیم
تسلیم حق اول اولما ولی باطله تسلیم
کج گیتمه حقیقت یولونی حق یولون آزما
قانون خدا ضدّینه بیر حرفیده یازما
.
.
بوخمس و بوعاشور که بیز شیعه لرین وار
بو خرج ومصارف بو هامی مکتب سیّار
آیا نیه بس ایتمدی بیز ملّتی بیدار
چون کسب ادب ایلمدوخ بی ادب اولدوخ
دینسیزلقونا چوخلارینون بیز سبب اولدخ
.
.
ظلمتکدۀ جهلیده وار نور حسینی
مؤمنده گرکدور اولا بیر شور حسینی
قویدی نه اثر بیزده بو عاشور حسینی
گوزیاشلاری جمع اولموری آیا نیه داشمور
یغمور بو کثافاتی نیه حقّه یول آشمور
.
.
#گریز به #عاشورا
.
.
بیر عده اولان صاحب ایمان و رشادت
دنیایه بو گون ویریله سر مشق سیادت
قرآن اوخیوب ایدّیله معبوده عبادت
تا کاخ ستم عدلیله زیر و زبر اولدی
هر نقشه چکیلمشدی پوزولدی هدر اولدی
.
.
بو گونده حسین مکتب حرّیّت آچوبدی
دانشکدۀ غیرت و وجدّیّت آچوبدی
دانشگه آسایش و امنیّت آچوبدی
تعلیم ایلیه شیعه لره درس سعادت
تا واضح اولا عالمه معنای امامت
.
.
لازمدی بو مکتبدن آلاخ درس شَجاعت
لازمدی مبلّغ یتوره سهم امامت
لازمدی گرک پاره لنه قید اِسارت
آزادلیق و حرّیّت و قدرت اَلَه گلسون
ذلّت اولا عزۀت گنه عزّت اَلَه گلسون
.
.
درس آلماسا گر شیعه حسین ابن علیدن
کسب ایلمه سه نورینی بو نور جلیدن
بی جادی طرفدار اولا مولا و وَلیدن
دنیاده علی شیعه سی کفاره اگیلمز
بو رسمدی دنیاده که گل خاره اگیلمز
.
.
ای سیّد حسین آدلی ریاضی سنی تاری
بیرعدّه سنه پیس دیوری لیل و نهاری
خلقیله گیچین سنده بس ایله دیمه باری
قرآنه عمل ایتموری قرآن اُوخینلر
قرآن یولونی گتموری قرآن اُوخینلر
.
.
#حسینیه_مدح
#حسینیه_شهادت
#بیر_عده_یقین_اهلی_فدا_اولدولا_دینه
#قرآنه_عمل_ایتموری_قرآن_اوخینلر
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  على جداده باشون سیر ایدر بیابانی #راه_شام_عبداله_اصلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی