شام غریبان
.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی … 4 سبک
مشابه
.
مرحوم نادری میانجی
.
بیر نفر یوخدی حسین شام غریبانه گله
سن ئولونجه آتام اوغلی نولا بو زینب ئوله
.
.
بیریانان چادر ایچینده باجون ئولسون بوگیجه
ناز پرورده اوشاقلار نجه یاتسون بوگیجه
نه اولار باجوی گورمک لیگه گلسون بوگيجه
ایسترم خلوت ایدم سنله گلم درد و غمه
.
.
گوزلیوردوخ که گلر ظهر نمازینه امام
توکولوب خیمیه لشگر داغلوب یاندی خیام
آلدیلار دورمی قیزلار هانی بس عمه بابام
باجون ئولسون نه دییدوم اوشیرین دیللی دیله ؟
.
.
ایندی ده یاده دوشن وقته حسین اودلانارام
قورخی ظالمدی عمر سعده دیدیم یالوارارام
خیمه نون غارتنه بیر گونی مهلت آلارام
اوندا گوردوم توکولوب خیمیه اون مین قتله
.
.
گل دوشوب مشگله ایش هارداسان ای شاه نجف
گه دونوب قتلگهه قارداشیم عباسه طرف
دیدوم ای نیزده قرآن اوخویان کان شرف
دور گنه قارداشون عباسله ویر بیر ال اله
.
.
گوردی یوخ داده گلن سویلدی او سعد لعین
زینبا گیتدی خانملوق بو قدر اولما غمین
قورتاروب یار و هوا داریوی بو لشگر کین
شمر ئولدوردی حسینی اون ایکی ضربتله
.
.
قورخویا دوشموش اوشاقلار هره بیر یانه قاچار
یادیمه دوشدی قالوب خیمده بیمار یانار
ایلدوم اود دان او گون عابد بیماری کنار
ایندی ده خیمدن اود قالخری بالایه هله
.
.
بیر یانان خیمده یر ویردی بیزه شمر عمر
باجینین قارداشی ئولسه اونا کیم حرمت ایدر؟
بولمدون سن باجون ئولسون باشیما گلدی نه لر
اوزیوی راحت ایدوبسن منی سالدون بو چوله
.
.
فرش یوخ شمعده یوخ شام قزیل قاندی حسین
قورخولی بیر گیجه دور قانلی بیاباندی حسین
زینبون بو گجه قیزلاره نگهباندی حسین
بو یانان خیمیه قویمام گجه اغیار گله
.
.
نادری الده قلم قلبدن افغانه گلوب
یا حسین شیعلرون شام غریبانه گلوب
ویره باش ساقلیقی بو زینب نالانه گلوب
هانسی شاهه قورولوب مجلس شاهانه بله؟
.
.
#بیر_نفر_یوخدی_حسین_شام_غریبانه_گله
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید