مصیبت اسیری و ورود به شام
.
✍️ زبدة الاشعار ✍️
.
?: @nohe_torki
.
اکبر پورآقا
.
بیر کس خبر آلمیشدی بو نکته نی مهدیدن
هانسی غمه واقفدی اول سینه ی غمدیدن؟
هانسی غمه آغلور بو پیمانه ی رنجیدن؟
هانسی غم و اندوهه قان آغلیوری دیدن؟
آیا غم اصغردی؟ یا ماتم اکبردی؟
یا بیر غم دیگردی؟ آچدی آقا بو دردی …
… سر نیزده قربانلار زنجیریده جیرانلار
فریاد چکور جانلار «لبیک حسین لبیک»
.
.
.
وقت اولدی او وقتی که شامه اسرا گلدی
اوغلی ئولن عورتلر باشلاردا قرا گلدی
اهل حرم مولا دوتموشدی عزا گلدی
بیر طشت طلا ایچره شاه شهدا گلدی
هر چند فقط سردی اما گنه سروردی
بیر عالمه رهبردی بو وارث حیدردی
سس سالدی او نالانلار احوالی پریشانلار
فریاد چکور جانلار «لبیک حسین لبیک»
.
.
.
پیک دم سالار صحرای بلا زینب
اذن آلدی امامیندن دوردی ایاقا زینب
بیر خطبه ی ارزنده قیلدی اولارا زینب
سس گلدی سمالردن احسن سنه یا زینب
الحق که سن اعلم سن اسراریمه محرم سن
دلداریمه مرهم سن زهرایِ مجسم سن
بانوی حرم زینب پاک و محترم زینب
سسلندی او دم زینب «لبیک حسین لبیک»
.
.
حمد ایلدی اوّلده ذات حق رحمانه
اهدای درود ایتدی تا ختم رسولانه
بیر آیه عقوبتدن چکدی رخ نادانه
آند ایچدی خانم زینب پاکیزه اولان قانه
اولسون اونا قربانی بو خواهر نالانی
قاداشیم حسین جانی باتماز شهدا قانی
سسلور او قیزیل قانلار دللرده نواخانلار
فریاد چکور جانلار «لبیک حسین لبیک»
.
.
.
فکر ایلدون ای پست و بدکاره و میخواره
ئولدی شهدا شاهی چاتون ظفر کاره؟
آیا نه جوابون وار پیغمبر مختاره؟
اهل حرم اللهی چکدون سر بازاره
ای فعلی شقاوتلی کرداری جنایتلی
فرجامی عقابتلی منشوری جهالتلی
فرجاملی انسانلار منشور مسلمانلار
فریاد چکور جانلار« لبیک حسین لبیک»
.
.
.
توصیف ایدیسوز ربی ئوز حدوزه راجع سیز
سیز مکتب اسلامه بیر لکه ی ضایع سیز
سیز دین و دیانتلن دنبال مطامع سیز
آلوده شریعتلن در کسب منافع سیز
اسلامه مراجع بیز هم ناظر و سامع بیز
درد و غمه رافع بیز عقبائیده شافع بیز
ای لکه لی دامانلار بیلمز بونی نادانلار
فریاد چکور جانلار« لبیک حسین لبیک»
.
.
.
یابن الطلقا! هرگز آسوده نگردی تو
با زاده ی زهرای مرضیه چه کردی تو
آلوده ی دهری تو آلوده ی دردی تو
با ذات خداوندی دائم به نبردی تو
پیروز و محقق ما اولاد موفق ما
آیینه ی مطلق ما قربانی برحق ما
این گشته دم احرار همناله ی با ابرار
فریاد چکور جانلار « لبیک حسین لبیک»
.
.
.
سن بیله خیال ایتدون خون شهدا باتدی
ئولدوردون ابالفضلی فکر ایتدون علم یاتدی
یاتماز چون علم داری ئوز زینبینه چاتدی
یاتماز بو قرا پرچم آلله اونی قوزاتدی
هرآه ودمِ عباس آوای دمِ عباس
ذکر علمِ عباس سسلور حرمِ عباس
تنها یل دورانلار همراه لب عطشانلار
فریاد چکور جانلار «لبیک حسین لبک»
.
.
.
مقتلده دوشن قرآن وجدانلاری سسلوردی
اللهیله باغلانمیش پیمانلاری سسلوردی
شیطانلاری تا گوردی قلخانلاری سسلوردی
هر تک تک اعضاسی پیکانلاری سسلوردی
سسلور اوخ آتان گلسون غفلتده یاتان گلسون
هم تیر و کمان گلسون هم شمر و سنان گلسون
گلدی سسه قلخانلار حتی دئدی پیکانلار
فریاد چکور جانلار «لبیک حسین لبیک»
.
.
ئوز عترتووه پرده چکدون بو سرائیله
چکدون بیزی زنجیره رسم اسرائیله
گتدون سر بازاره باشلاردا قرائیله
می مجلیسینه گتدون دللره عزائیله
آغلور داغیلان داشلار غمدن یولونور ساشلار
سرنیزده قارداشلار اللرده قالوب باشلار
سسلندی او مهمانلار اول قلبی یارالانلار
فریاد چکور جانلار « لبیک حسین لبیک »
.
.
#ورود_شام
#بیر_کس_خبر_آلمیشدی_بو_نکته_نی_مهدیدن
#اکبر_پورآقا
#ترکی
.
✍️ #زبدةالاشعار ✍️
.
?: @nohe_torki
نظر دهید