رؤیای حضرت صغری از بیابان کربلا
.
.
.
#سبک_خیمه_نی_سیلمیشم
مشابه
.
.
.
.
مرحوم یحیوی اردبیلی
.
.
.
بیر گئجه اکبرین شبه پیغمبرین
گوردی رؤیاده صغرا گلدی فریاده صغرا
درک ائدوب ائللرین صودامر اصغرین
قانلو دریاده صغرا گلدی فریاده صغرا
گوردی لیلا سالوبدور باشینه قاره معجر
اکبرون نعشی اوسته باش آچوبدور حرملر
.
.
صحنه ی جنگیدور انقلاب عظیم
سیل کیمی دولدوروبدور بر بیابانی لشکر
جنگلستان کیمی گورسنور نیزه لر
باش چکوب آسمانه شاخه شاخه علملر
اود چیخور آتلارون نعلى آلتدان گوگه
گون دگنده پاریلدار الده شمشیر و خنجر
لشکر ایچره باخوب بیر نفر خنجری
قانلو جلاده صغرا گلدی فریاده صغرا
.
.
وار نقدری جهان بو بلالى مکان
یادگار جهاندور زینبون محشویندن
یرده بیر اوخلانان مشک و بیدق دوشوب
آیریلوبدو اباالفضل قولّاری پیکریندن
تازه داماد تک قان حناسی آخور
اکبرون کاکلیندن قاسمون اللریندن
عالم خوابیده شورش محشری
گتدی ایجاده صغرا گلدی فریاده صغرا
.
.
حمله وَردور قشون اهل بیت اوستونه
اود ووروب یاندیرورلار حضرتون خیمه سینه
اود دوتوب دامنی یوز قویوبدور چوله
آت قباقینده لرزان پابرهنه سکینه
سیّدالسّاجدین اود ایچینده قالوب
ایستیور چکسون اوتدان زینب دلحزینه
ایستدی ایلسون عمّه سینه کمک
تا او مأواده صغرا گلدی فریاده صغرا
.
پابرهنه قاچور بختی قاره عروس
پارچالانمیش قولاقی قطره قطره آخار قان
تازیانه دگور باشدا یوخ معجری
صور تین ایلیوبدور زلفینون آلتدا پنهان
خیمه گهدن چیخوب قتلگاهه طرف
اکبریم وای دلینده ام لیلای نالان
اکبرون نعشینی قطعه قطعه گوروب
خاک صحراده صغرا گلدی فریاده صغرا
.
.
شاه دینون باشین ذبح ائدوب شمر دون
نیزه باشینده خولی ساخلیوبدور الینده
بیر یارالی بدن یئرده باشسیز دوشوب
خنجریندن آخان قان قینیور مقتلینده
هم قیزیل جوشنین سعدون اوغلی گیوب
اگنینه اگلشوبدور حضرتون صندلینده
گوردی یکسر دوشوب آهوان حرم
دام صیاده صغرا گلدی فریاده صغرا
.
.
قان ایچینده یاتوب یان یانا نعشلر
کربلا دشتی اوخشار عرصه گاه منایه
اود یاغور ایستیدن یئر قیزوب کوره تک
گوگده قوشلار سالوبدور نعشلر اوسته سایه
قدسیان بیر یئره ایلیورلر طواف
نور حق لمعه لمعه قوزانوبدور سمایه
گوردی قُتل الحسین سویلیور جبرئیل
عرش اعلاده صغرا گلدی فریاده صغرا
.
.
.
#بیر_گئجه_اکبرین_شبه_پیغمبرین
#ترکی #حضرت_صغری #یحیوی_اردبیلی
#زبدةالاشعار
نظر دهید