شب عاشورا
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم کاتب اردبیلی
.
بیر گئجه وئردی حسین رخصت علىّ اکبره
تا گئدوب تحصیل قیلسون سو علی اصغره
.
.
بیر نچه اصحابیلن شهزاده ى والاتبار
ایلدى عطف عنان نهر اوسته با عزّ وقار
گوردی دشمن باغلیوب راه فراتی استوار
فکره دوشدی ایلسون حمله او قوم کافره
.
.
ال اوزاتدی قبضه ی تیغه او شیر بی قرین
ایلیوب بیر حملۀ مردانه پوزدی صفلرین
بیربیره ویردی ائدوب برهم یزیدون لشگرین
رزمینه تاب ائتمیوب لشگر داغیلدی چوللره
.
.
داخل نهر فرات اولدی گلدن اصحابیلن
بیر نچه مشگ اول گئجه مملوّ ائدوبلر آبیلن
چشم اصحاب وفا پرور دولوب خونابیلن
سعی ائدوبلر سو یتورسونلر عیال حیدره
.
.
نهردن خارج اولوب ایلردیلر قصد خیام
گوردیلر هر سمتدن دشمنلر ایلوب ازدحام
یول دوباره باغلانوب صفلر قورولمیش بانظام
حمله ایلوب ویردیلار قوم عدونی بیربیره
.
.
اوّل صفده اوزی دالدا او اصحاب کبار
ایلدی حیدر کیمی دشمنلریله کارزار
دولدوروب کرب وبلا دشتین صدای گیردار
تا یتوب صوت هیاهو لیلیِ غم پروره
.
.
خیمه ی شهزادیه یوز قویدی بیکس مادری
گوردی یوخدور خیمه ده شبه پیمبر اکبری
ناله قیلدی دمبدم جاری ائدوب اشگ تری
ناله ى لیلا اثر قیلدی سکینه مضطره
.
.
دوردی فورأ عرض ائدوب بیچاره مادر دور گئدک
وار عموم عباس تک شیر دلاور دور گئدک
ائتمگه بو حالی اول سرداره اظهر دور گئدک
کان غیرتدور گئدوب عرضون یتور اول سروره
.
.
حضرت عباس ائشیدجک بو سؤزی گریان اولوب
فوراً اوز قارداشلاریلا عازم میدان اولوب
گوردی اکبر بیر نچه آتلی گلور حیران اولوب
سسلدی کیمسوز سیاهی مانع اولمون بیزلره
.
.
امتحان ائتمکلیگه عباس اونا وئرموب صدا
هرقدر فریاد ائدوب اکبر او قیلموب اعتنا
خسته اولمیشدی زبس دعواده شبه مصطفا
ائتمیوب دعوا دوتوب یوز خیمه گاه اطهره
.
.
عرض قیلدی داده گل ای ضیغم غرّان عمو
گل علیّ اکبره چوخ تنگ اولوب میدان عمو
گلمسون اولّام بو چولده قانیمه غلطان عمو
گل مددکار اول بئله مهلکده من بی یاوره
.
.
قولارین عباس آچوب اشکیله دولدی گوزلری
باسدی آغوشینه جان تک شاهزاده اکبری
گلدیلر اخیامه گوردی منتظر دور مادری
اوغلینی تسلیم قیلدی مادر غم پروره
.
.
کاتبا آغلا حسینون ماتمینده روز و شب
تا اولا سندن اوزی خوشنود او شاه تشنه لب
ائتمیوبسن بیر عمل غفرانوه اولسون سبب
لامحاله گوزیاشین قیل توشه روز محشره
.
.
.
#اکبریه
#بیر_گئجه_وئردی_حسین_رخصت_على_اکبره
#ترکی
.
✍️ #زبدةالاشعار ✍️
.
🆔: @nohe_torki
نظر دهید