بیز حیدریوک حیدری شخصیّتیمیز وار #حیدریه_حسینیه #فیضی_اردبیلی

بیز حیدریوک …
.
✍️ #زبدةالاشعار ✍️
.
🆔: @nohe_torki
.
کربلایی رحیم فیضی اردبیلی
.
بیز حیدریوک حیدری شخصیّتیمیز وار
مهدی کیمی عالمده ولی نعمتیمیز وار
.
هراون ایکی آی مست مِیِ نابِ حسینوک
بایرام گونوده باخسوز اگر هیئتیمیز وار
.
بو بزم عزادن بیزی هئچکس آییرانماز
هریاندا حسینچی آدینا شهرتیمیز وار
.
بَه بَه نه سعادتدی حسین نوکری اولماق
حتما آناسی فاطمه دن خلعتیمیز وار
.
واللّهی حسین مجلسی جنّتدی سراسر
هیئتده خیال ایلیَروک جنّتیمیز وار
.
ایراد ائلمه چوخ بیزه ای مدّعی لال اوُل
چون عشق حسینیله گوزل اُلفتیمیز وار
.
سعی ایله دولاشما بیزه گِردابه دوشرسن
عبّاسِ علی تک یَلِ پُر قدرتیمیز وار
.
ال چکمه میشوک چکمروک اَل عشق حسیندن
قاش گئت بابا بیز آذریوک غیرتیمیز وار
.
(فیضی) بئله یاز مدّعیلر تا باشا دوشسون
اولادِ علیدندی نَقَدْر عزّتیمیز وار
.
#حیدریه_مدح #حسینیه_مدح
#هیئت
#بیز_حیدریوک_حیدری_شخصیتیمیز_وار
#ترکی
.
✍️ #زبدةالاشعار ✍️
.
🆔: @nohe_torki