آرزوی کربلا
.
.
.
سعید حضرتی آذرشهری ” هاتف “
.
.
بیلمم، فدا اولوم که آدوندا نه وار آقا
عشقون ائدیبدی گور نه منی بی قرار آقا
.
بیر عمریدور که کرب و بلا حسرتینده یم
دای ئولدورور بو عاشقیوی انتظار آقا
.
عاشق یانار، ولی نه بو قدری کوله دونه
خلق ایچره ده آدیم تانینیب داغدار آقا
.
معشوقیله بو رسمیدی عاشق آرا فراق
گاهی ولی وصالیله گویلون آلار ، آقا
.
رحم ائت منی بو قدری فراقونده ساخلاما
قویما منی بو حسرتیله زار زار آقا
.
گوز یاشی تک گوزونن آقا اولما سالمیسان؟
ایوای اولا، کی اولدوم اوزوم سد کار آقا
.
من قلبوه دگنّن اگیلدی ایشیم ائله
سن حق لیسن، گرکدی اولام ایندی خوار آقا
.
اما سیزین آدوز یاییلیب هر یئره کریم
من عاصی ام، ولی سن آقا، شهریار آقا
.
گل عفو ائله همیشه کیمی بوشلی چات منی
قویما قاپی دالیندا قالا بو ندار آقا
.
سن ائوچیسن،نه قدری قوناخ گلسه وار یئرون
الله بولور نه قدری وارون جیره خوار آقا
.
چیخما منی قوناخلار ایچینن، چاغیر گلیم
محتاجیوه م،خدا اوزی جریاندا وار آقا
.
والله منی شماتت ائدیرکیم گئدیر گلیر
تعریف ائلور،ائلور منیده اشکبار آقا
.
#هاتف دونوب خزانه گوزی گون به گون سولور
گورسه سنی دوباره اولار نوبهار،آقا
.
.
#آرزوی_کربلا
#بیلمم_فدا_اولوم_که_آدوندا_نه_وار_آقا
#حضرتی_هاتف
#ترکی
#زبدةالاشعار
نظر دهید