زبانحال حضرت سیدالشهدا (ع) در شهادت حضرت ابوالفضل (ع) خطاب بخواهرش
.
✍️ #زبدةالاشعار ✍️
.
🆔: @nohe_torki
.
#سبک_بالام_آغلاما_گلوم_آغلاما … 7 سبک (باجی دور گیداخ … سن آت اوسته پای پیاده من … دولانور علی قیزی مقتلی … )
.
شاعر ؟؟؟
.
بیله تیکمه گوزلریوی یولا
باجی قارداشون گتورنمدیم
داخی باخما گه صاقا گه صولا
باجی قارداشون گتورنمدیم
.
.
اونی خیمه گاهه گتورماقا
باجی ایلدیم نقدر خیال
چوخودی یاراسی وجودینون
یوخیدی اونون بدنینده حال
قوری یرده قالدی جنازه سی
تیشوبدی قلبیمه چوخ ملال
دیمرم او حالین اونون نولا
باجی قارداشون گتورنمدیم
.
.
یخیلوب ائویم بوکولوب بلیم
یتیشوب شهادته قارداشیم
بو بلالی چول بو قدر بلا
نه کومک نه یار و نه یولداشیم
قوشونوم سِنوب علمیم یأتوب
توکولور یوزه بیله گوز یاشیم
یری وار سنونده گوزون دولا
باجی قارداشون گتورنمدیم
.
.
ایدوب اهل کوفه بوگون منه
هامی ظلمی هر ستمی بروز
بو یانقلی قلبیمه اود ووروب
منی یاندورور باجی جان او سوز
دئ سکینه گوز یولا تیکمه سون
عموسی ئولوبدی اونون سوسوز
ولی قویما زلفینی چوخ یولا
باجی قارداشون گتورنمدیم
.
.
نقدر که قارداشیمون منیم
واریدی الینده باجی علم
یوخیدی بنات پیمبره
بو دیار غمده غم و الم
علمی یاتوب ئوزی دوغرانوب
ایدوب اهل کین قولونی قلم
داخی غم محالدى قورتولا
باجی قارداشون گتورنمدیم
.
.
چوخودی وفاسی دیدیم که دور
آپاروم خیامه اخا سنی
الى بوش دیدی گیده بولمرم
داخی قوی بو حالده سن منی
باشیم اوسته من گوره بولمرم
گوزی یاشلو بیرده سکینه نی
دؤزَرم جنازه می خوار اولا
باجی قارداشون گتورنمدیم
.
.
آتام اوغلون ایلدیلر شهید
آچاجاقلا ال منه ده یقین
اولاجاق جری بولورم بو گون
من بیکسه بو گروه کین
بو عیاندی باغلیاجاق باجی
ستمیله فرقۀ مشرکین
هامو اهل بیتیمی قول قولا
باجی قار داشون گتورنمدیم
.
.
#عباسیه_شهادت
#بیله_تیکمه_گوزلریوی_یولا_باجی_قارداشون_گتورنمدیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید