خطاب حضرت رقیه به جناب علیا مکرمه
.
✍️ #زبدةالاشعار ✍️
.
🆔: @nohe_torki
.
#سبک_بالام_آغلاما_گلوم_آغلاما …
.
احمدی جوان
.
بی بی لطف قیل باشیم اوسته گل
بو رقیون ایستوری جان ویره
خبر ایله اکبریده گله
باشیم اوسته بلکه اذان ویره
.
.
منی چوخ سیخوبدی فشار غم
اریدوبدی یاره لی جانیمی
اولاجاقدی خاطری چوخ ملول
گوره گر خرابه مکانیمی
آلا بیر قوجاقینه بیر گوره
بدنیمده نقش و نشانیمی
سارالان عذاریمی بیر اوپه
منه سایه سینده مکان ویره
.
.
بولوسن خرابه ده گوزلریم
منیم انتظاریدی اکبره
گله قارداشیم باخا بیر یانا
بو طنابه باغلانان اللریم
من منتّنی قویوب گله
چکه باش بو قاره لچک لره
او گوزل جمالین اکبریم
منه سود نفسده نشان ویره
.
.
ئوله غربت ایچره بیری اگر
گوزی حسرتیله بأخار یولا
گوره کیم گلور باشی اوستونه
اودی که دونر ساقا گه سولا
ولی چوخ چتیندی منیم كیمی
بالا قیز غریبه مزار اولا
بی بی هانسی قزدی منیم کیمی
بو غریب مکانیده جان ویره
.
.
گوزوون فداسی اولوم بی بی
بیله حسرتیله سن آغلاما
بو یانقلی قلبیمی تازه دن
شرر مصیبته داغلاما
من ئولنجه گلمسه اکبریم
باری سن بو گوزلری باغلاما
گوررم جمالینی گر اجل
من بی نوایه امان ویره
.
.
هامی گیتدی ایولرینه بی بی
گینه باتدی گونده کی آفتاب
یاتاجاقلا بستر تازیانه
اولاجاقلا جمله سی کامیاب
ولی من گینه یاتا بلمرم
بدنیمده یوخدی توان و تاب
یری واردی گوزلریم عمه جان
سارالان جمالیمه قان ویره
.
.
بولوسن سپهر محبتین
من اوزوم ایشیقلی هلالیم
من اوبلبلم که خرابه ده
قنادیم سینوبدی یارالیم
گولومون آدین دیوب آغلارام
بوله عالم اهلى وفالیم
بو قدر مصیبتی بلبله
نه روادی باد خزان ویره
.
.
من حسینه سویگولویم ولی
ورولوبدی بوینوما سلسله
بدنیمده قمچی لر آغریسی
ایاقیمی اینجدور آبله
ره عشقیده گله هر بلا
دوزورم یوخومدی منیم گله
باجی خوشدی قارداشنا فقط
اورگینده غملری سان ویره
.
.
بولوسن که جنته وئرمرم
بو دل خرابه صفاسینی
یاتارام خرابه ده من ولی
پوزارام یزیدین اساسینی
گرک احترازیده ساخلیام
عمومون بو قانلی لواسینی
ورالار مزاریون اوستونه
اسه شام شومه تكان ویره
.
.
اگر عمه گلسه خرابیه
گجه نون بیر عالمی اكبریم
نجه پیشواز ایلیم اونی
گورہ جاقدی کهنه دی معجریم
نجه بوینونا قولومی سالوم
هله دشمن آچمیوب اللریم
آچا قولاریمی منه امان
نچه لحظه شمر و سنان ویره
.
.
آزالوب زمانه ده بلمورم
نیه بس جماعت معنوی
بیریده کناره چکور اوزون
تاپا حسن شهرت منزوی
اوزونی بو درگهه کیم سالا
تاپاجاق سعادت اخروی
قوجالار بو یولدا اگر امان
بو «جوانه» دور زمان ویره
.
.
#حضرت_رقیه_احمدی_جوان
#حضرت_رقیه_شهادت
#بی_بی_لطف_قیل_باشیم_اوسته_گل
#ترکی
.
✍️ #زبدةالاشعار ✍️
.
🆔: @nohe_torki
نظر دهید