استمداد حضرت ابوالفضل العباس علیه السلام
.
✍️ زبدة الاشعار ✍️
?: @nohe_torki
.
سعید حضرتی آذرشهری ( هاتف )
.
تئز گل اماندی،امداده قارداش
چات دشمن ایچره،فریاده قارداش
ندی گوز،اللر،سنه قربان باش
گل حسین تئز گل،ئولورم قارداش
.
دردو محندن،آکندیم من
اهل حرمدن،شرمندیم من
ائله دی خجلت،منی اوچ پر اوخ
نئجه گور بیردن،واریم اولدی یوخ
.
اوخ مشکه دگدی،جامیم جالاندی
صبرو امیدیم،بیردن تالاندی
قالانیب دردومحن اوسته غم
قلم اولدی قول،ییخیلیب پرچم
.
ایوای منیم بو،شرمیمدن ایوای
گون باشیم اوسته،یاتمیش ولی آی
دی منی عفوائیله سین اولدوزلار
گوزونی یومسون،بو سودان قیزلار
.
عفو ائیله یاتسام،گر محضرونده
عفوائت قصوری،بو نوکرونده
سالیب ائیله حاله منی بو اوخ
ایاقا دورماقه توانیم یوخ
.
اود تک دوشوب جانه باخ بو سوزلر
نازلی رقیه ون،مخیمده گوزلر
ولی من شرمنده یم اول قیزدان
آیی خجلت ائتدیلر اولدوزدان
.
حتما دیه ر کی،بو نوعی اصغر
گوز یولدا قالدیم،دیل یوخ دئیه م گر
داهی من سو ایسته میرم تئز گل
یانیرام سو سو دئمیرم تئز گل
.
نهرین یانیندا،ئولسم اگر خوش
سقادی آدیم،مشکیم ولی بوش
نه جراحت ئولدورجک قارداش
منی خجلت ئولدورجک قارداش
.
“هاتف”دولوبدی درد و بلایه
واردور چوخ عشقی،کربوبلایه
آقاشهلا گوزله عنایت قیل
حرم پاکون اونا قسمت قیل
.
#سبک
با صدای یوسف علیپور
.
#عباسیه_شهادت
#تئز_گل_اماندی_امداده_قارداش
#حضرتی_هاتف
#ترکی
.
✍️ #زبدةالاشعار ✍️
?: @nohe_torki
نظر دهید