تاری یاراتمش ای گل عجب رنگ و بو سنه #زینبیه_بابک_اردبیلی

مدح و میلادیه حضرت زینب سلام الله علیها
.
.
.
حاج افشین بابک اردبیلی
.
تاری یاراتمش ای گل عجب رنگ و بو سنه
الله ئوزی کرامت ایدوب آبرو سنه
.
فوج ملک انور یره عرش اِلاهیدن
بال فرشته دن دوشنوب پرّ قو سنه
.
طاها آلوب قوجاقه قویور آدوی سنون
حیدرده یاخشی گونلر ایدور آرزو سنه
.
هر دم آلور قوجاقه سنی قارداشون حسین
گویا چمنده مونس اولوب لاله سوسنه
.
زهراده گاهواره ده لایلای چالان زمان
صبریله عشقی ئورگدجک موبمو سنه
.
سویلور گوزل قیزیم گوزون آچ باخ مقابله
ناز ایلمه حسیندی دوروب روبرو سنه
.
بلبل نجه چمنده گوله نغمه خوان اولور
قارداشلارون حسین و حسن تاپدی خو سنه
.
اما فلک تدارک ایدوب آیری بیر روش
تا بادۀ بلانی ویره بیر سبو سنه
.
الله بلادن حفظ ایلسون باشوی قیزیم
گوز یاشون اولماسین گوروم آب وضو سنه
.
« بابک » همیشه سعی ایله اربابه لایق اول
کیم سن مگر؟ حسیندی ویروب آبرو سنه
.
.