توسل به حضرت زهرا (س)
.
✍️زبدةالاشعار✍️
.
🆔: @nohe_torki
.
زعفر آزادمهر شیخ درآبادی
.
تاپمادیم دردیمه عالمده دوا یازهرا
گلمیشم درگهیوه دلده نوا یازهرا
.
سائلم درگه احسان تانورام بو قاپونی
قیل کرم نوکره ای کان سخا یا زهرا
.
ئوپورم خاک دروندن منه احسان ائده سن
بیلمیشم درگهووی باب رجا یا زهرا
.
آند وئرّم سنی اوز عفّتیوه عصمتیوه
نا امید ائتمه،دوا ایله عطا یازهرا
.
قلبیمی غم بوریوب سینمی آلام یوروب
حاجتیم چوخدی خانم ایله روا یازهرا
.
آند وئرّم سنی محسن بالاوین تربتینه
بیلمدیک قبری اونین اولدی هارا یازهرا
.
هم مزاری بالاوین همده سنون گیزلین اولوب
هاردا دفن ایتدی سیزی شیر خدا یا زهرا
.
بیزه نیسگیلدی بو سوز حشره کیمی یاندوراجاق
ثانیه نیله میشیدی او بالا یازهرا
.
قیل دعا مهدی بالون تئز گله بو قانی آلا
شیعه نین قلبی تاپا بلکه صفا یا زهرا
.
ثانینین ظلم و جفاسیندن اورک درده گلوب
«زعفر»آغلار بو غمه صبح و مسا یا زهرا
.
#فاطمیه_شهادت
#تاپمادیم_دردیمه_عالمده_دوا_یازهرا
#زعفر_آزاد_مهر
#ترکی
.
✍️ #زبدةالاشعار ✍️
.
🆔: @nohe_torki
نظر دهید