زبدةالاشعار

تا باغلانوبدی بار بلا گوزلرم سنی #دخیل

خروج از مدینه
زبانحال حضرت اباعبدالله الحسین (ع) در سر مزار مادر
سوال و جواب
.
✍️ زبدة الاشعار ✍️
.
🆔: @nohe_torki
.
مرحوم دخیل
.
تا باغلانوبدی بار بلا گوزلرم سنی
زینب قیزون دوشنده یولا گوزلرم سنی
.
گل کوچ ائدنده باغلا پیمبر قاپوسینی
ای دختر رسول خدا گوزلرم سنی
.
اولسون حسین بو قبریوه قربان دایانما چوخ
منزل اولاندا کرب و بلا گوزلرم سنی
.
اکبر جوانیمه آناجان زینت ایلرم
امّت لره وئرنده فدا گوزلرم سنی
.
اولسون گرک یانیندا آنا قارداشیم حسن
قاسم اولاندا دینه فدا گوزلرم سنی
.
باس سینووه او گون قولون عبّاسیمون آنا
امّ البنینی ایله رضا گوزلرم سنی
.
قاتل چخاندا سینه مه تشنه بوغازیمه
خنجر قویاندا شمر دغا گوزلرم سنی
.
قانیم گئدنده باشیمی آل سن دیز اوستونه
قانیم یره اولاندا روان گوزلرم سنی
.
آل سینه ن اوسته شمر کسن وقته باشیمی
سینونده قوی بیر آزجا قالا گوزلرم سنی
.
قبری اؤپوب دوراندا گوروب قبر تیتردی
گلدی مزاردن بو صدا گوزلرم سنی
.
تا ایلیک شفاعت اوغول آغلیانلارا
باشون الیمده روز جزا گوزلرم سنی
.
.
✔️ زبانحال حضرت زهرا (س)
.
قویاندا شمر ستمگر بوغازیوه خنجر
گرک اولام باشون اوسته او دم منِ مضطر
.
سینمده بسله میشم بو باشی منِ خسته
باشون سوسوز کسیلنده آلام دیزیم اوسته
.
توکولسه قان یره قیلّام روانه گوز یاشیمی
گرک قویام دیزیم اوسته اونون اؤزوم باشینی
.
هراس شمردن اول دمده آغلیان اولماز
ئولن زمان گوزیوی کیمسه باغلیان اولماز
.
گلم گرک چوؤیرم قبله سمتینه یوزیوی
بو قاره معجریلن باغلیام اوغول گوزیوی
.
ووراندا خیمه لره اود سپاه کفر انجام
یانان چادرلاریوون دوره سین گرک دولانام
.
یتیم اوشاقلاریوا گر یته شراره اوغول
دوتام سکینه الیندن چکم کناره اوغول
.
ووراندا زینبه قمچی او شمر بدانجام
سنق قولومی او قمچی قباقینه آتارام
.
اسیرلر یانجا شام شومه دین گئدرم
یتیم اوشاقلاریوی من محافظت ائدرم
.
.
#خروج_مدینه
#تا_باغلانوبدی_بار_بلا_گوزلرم_سنی
#دخیل
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  چمنه آخیر بولاقلار #فاطمیه_سیدبشیرحسینی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی