حالات حضرت زهرا سلام الله علیها
#گریز به #قتلگاه
.
.
.
مرحوم هادی تبریزی
.
تا بذر ستم مزرعه حقه اکیلدی
بیر پرده بدعت رخ دنیایه چکیلدی
.
.
چاه غم حق، یوسف طاهایه قازیلدی
منشور ستم ملت اسلامه یازیلدی
.
.
ظلمیله اولوب بند رسن شیر خداوند
حسرتله اولوب سلسله محنته پابند
ناگاه گلوب حضرت پیغمبره دلبند
سسلندی جماعت ید ظلمیله ملولم
پیغمبر اکرم قیزی زهرای بتولم
.
.
بی شرملر، ائتدوز نیه قرآنه خیانت
گلدوز ائلدوز فاسق و بی دینلره بیعت
قویدوز ویرالار گردنوزه یوغ جهالت
بیز قویماروغ عالمده وفا گلشنی سولسون
قرآنی سُون باطله مستعمره اولسون
.
.
من مستِ میِ بادۀ میخانهِ عشقم
پرسوخته حق شمعینه پروانه عشقم
افسونگر حقم اوزوم افسانه عشقم
دین گلشنونون بلبل دیوانه سیم من
پیغمبر اکرم قیزی ریحانه سیم من
.
.
قرآنیدی ماتمکدۀ قوم ضلالت
قرآنیدی آتشکده عشق و محبت
قرآنیدی دانشکده عزت و شوکت
آگاه اولون ای درهمه دنیانی ساتانلار
بیدار اولون ای بستر غفلتده یاتانلار
.
.
گردون الی پروانه عشقی سیخا بولمز
بو چرخ زمان محور و دورین چیخا بولمز
دنیا گله دیواره حقی ییخا بولمز
اما سیزه اعمال نفوذ ائلدی دونان
تا ظلمیله غارت اولونا مکتب قرآن
.
.
بو جامعه نی چولقالیوب جامۀ ذلت
ایجاد اولونوب ملت اسلامیده نفرت
چوخلار باخوری بیزلره با چشم حقارت
علت اودی بیر نهضته زینب ائدر اقدام
تا اینکه بو نهضتده حسینه اولا همگام
.
.
زینب اودی کی قتلگه عشقه گلنده
گرداب غم عشقده گردابه دوشنده
نطقه گلی قارداش بدنین یئرده گورنده
سویلر قارادار عرشی اودور آه عمیقیم
آخر یارالی سن دگیسن پیر طریقیم
.
.
غواص یم عشقم و اولام سنه ملحق
اقیانوس ثاراللهه سالدیم اودی زورق
غرق ائیلدی گوردوم سنی امواج معلق
غم ائتدی گلوگیر منیم صبریم آزالدی
سست اولدی دیزیم رنگ رخیم سولدی سارالدی
.
.
بیر غم منه اما اولوب آرامش دریا
ساحلده سنی دفن ائلییم ایندی من آیا
دریانین ائدیم یا کی قوانینی نی اجرا
اما سنی بو حالیله قویماقه مجازم
چون دفن ائلییم پیکریوی یوخدی اجازم
.
.
آهیم اوخی واردور یئری افلاکیده دلسون
بیر باد ملایم گینه بو سمته اسیلسون
تا ساحله بو پیکره صدپاره چکیلسون
سجاد گلوب دفن ائلییه پیکر پاکون
الده منه تحفه گتوره تربت و خاکون
.
.
گوندی بو باشون چیخدی جفائیله جدایه
بنزر یارالی اکبریوین باشیده آیه
بو جمعیده اولدوزدی چیخوب غملی سمایه
جذر و مد ائدور چوخ سنه علت اودی تاثیر
جایز دگی بوللم منه چوخ مدت تاخیر
.
.
غم ائیلمه #هادی کی سنون چوخدی گناهون
شرمنده سنی حقدن ائدوب روی سیاهون
شاد اول سنی تایید ائدر الطاف الهون
گر زینب کبری ائده محشرده عنایت
سندن ائده آللهه قیامت ده شفاعت
.
.
.
#فاطمیه_شهادت
#تا_بذر_ستم_مزرعه_حقه_اکیلدی
#هادی_تبریزی
#ترکی
.
.
نظر دهید