زبدةالاشعار

تا قویدی قدم عالم غم پروره زینب #زینبیه_علی_شهودی

مدح حضرت زینب (س)
.
.
.
علی شهودی
.
.
تا قویدی قدم عالم غم پروره زینب
لبیک دئدی روز ازل رهبره زینب
.
دریای عفاف و ادبه غوطه ور اولدی
ال تاپدی اوشاقلیقدا بویوک گوهره زینب
.
بیر غنچه ی خوشبو کیمی گلزار ولاده
گوندن گونه گول آچدی یئتیشدی بره زینب
.
تحصیل ائدیب آیاتِ حجابی آناسیندان
عزّت یارادیب مکتب پیغمبره زینب
.
ردّ ائتدی حجاب ظلماتی گوز ائوینده ن
تا تاپدی یول انوار حق داوره زینب
.
درّ صدف حجب و حیا ائتدی تلألو
نعم البدل اولدی او بیوک مادره زینب
.
عالمده فصاحتده بلاغتده چکیبدی
عالملری حیران ایلیین حیدره زینب
.
دامان ولایتده ائدیب کسب کمالات
زینت اولوب اول شاه نکو منظره زینب
.
انوار کمالاتی اولوبدور متصاعد
مین جلوه ائدیب مهر و مه و اختره زینب
.
ذوب اولدی ولایتده عیاری اولا خالص
هیهات توجه ائده سیم و زره زینب
.
اُول گونکی ندا گلدی محبّان ولایه
اوّلده آدین ثبت ائلدی دفتره زینب
.
حاشا دئدی من ال چکم اسلام اتگینده ن
دولدوردو وفا باده سینی ساغره زینب
.
بیر کیمسه علی نین قیزینا چپ باخا بُلمز
چون باغلیدی عبّاسه علی اکبره زینب
.
یثربده او گون باغلادی پیمان مودّت
شاماتیده چاتدّیردی اونی آخره زینب
.
اسلامین آلیبدیر علمین چیگنینه تنها
حاشا قویا حق بیرقی دوشسون یئره زینب
.
یوز قویدی او قصر ستم و کاخ جفایه
سالدی ائله بیر لرزه او کرّ و فره زینب
.
کاخ اموی اولدی سوزونده ن متزلزل
شاماتی مسخّر ایلدی یکسره زینب
.
اوز دِینین ادا ایلدی هم دین خدایه
هم کرب و بلاده کسیلن حنجره زینب
ـــــــــــــــــ
#زینبیه_شهادت
شام غربتده جان وئریر زینب
بیر بیوک امتحان وئریر زینب
سوروشورلارخانیم نه ایستیرسن
کربلانی نشان وئریر زینب
.
.

متن پیشنهادی:  یوز قویوب یوز مین عرب بیرشاه عطشان اوستونه #حسینیه_کاتب_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی