زبانحال حضرت علی اصغر (ع)
.
✍️ #زبدةالاشعار ✍️
.
🆔: @nohe_torki
.
شبگیر تبریزی
.
تا نگار یاره یاریله نگار اولدوم آنا
یار یارین جذبه سیندن یاره یار اولدوم آنا
.
.
یار یارین ساغر گلگونی یار اولدی منه
مایۀ سبّوحی دلبر عقار اولدی منه
تا عقار سرخ فام یار یار اولدی منه
یاری اشک شفقدن من نگار اولدوم آنا
.
.
قوۀ وهم و خیالی عقلدن صهبا آلوب
موج صهبادن خطوط سبعه نی مینا آلوب
سبع خطّ ساغریم مندن آنا یارا آلوب
لیک یارای صراحیدن خُمار اولدوم آنا
.
.
دل خطوط ساغری حال خُماریله گزوب
لیک بولموردی خطوط جامی یاریله گزوب
یعنی ازل شهریاری شهریاریله گزوب
منده شاهنشاهیدن چابک سوار اولدوم آنا
.
.
سیریمی سالدیم ازلده شاهراه عشقیدن
شاهراهی که دوشوبدور خانقاه عشقیدن
خانقه دن بار آلوب دل بارگاه عشقیدن
بارگهده شاهباز شهریار اولدوم آنا
.
.
تا سالوب گهوارییه عشق و محبت دایه سی
باشیمه دوشدی او دم مهر ولایت سایه سی
جوهر عشقیمدن اولدوم دایه نین پیرایه سی
چون علائقدن تکثردن کنار اولدوم آنا
.
.
دست شاه عشقدن جاه و جلالت تاپموشام
جلوۀ جلّ و علادن عزّ و شوکت تاپموشام
شهر چار هفت شهر ایچره ولادت تاپموشام
شهر پنج و ششده حجّه رهسپار اولدوم آنا
.
.
آلتی آی آغوش اهل حقده ائتدیم اعتکاف
اعتکافیمده مراقب اولدولار آل مناف
دلده انوار نهایات ائتدی منله ائتلاف
مؤتلفدن صاحب عزّ و وقار اولدوم آنا
.
.
بوتۀ عشقینده زر ناب ائدوبدور ممتحن
منّ و سلوای محبت لطف ائدوبدور ذوالمنن
هفتمین شهره یتیشدیم شام عاشوراده من
صبح عاشوراده محو کردگار اولدوم آنا
.
.
گرچه قلّت واردی عاشقدن سرای دیریده
آل هاشمده اولار عشق خدا لاغیرده
سنده بیر پُر مایه سالک سن مقام سیرده
آلتی آی یوللاردا من سیرونده یار اولدوم آنا
.
.
درک ائدنمز عشقیوی عالمده هر مست و بلا
کیم بولر کیمدی بو عزّتده عروس مرتضی
درک ائدر احوالیوی عالمده مجذوب خدا
چون سنه من مرشد کامل عیار اولدوم آنا
.
.
سن عروس مرتضی سن همسر سلطان عشق
وار الینده لطف حقدن ساغر سلطان عشق
رهبروندور زینب عمّم خواهر سلطان عشق
منده پستان بلادن شیرخوار اولدوم آنا
.
.
زینب عمّمدور شریک اعظم سلطان عشق
وار الینده شهریار عشقیدن فرمان عشق
عمه مین توشیحینه امضا اولار پیمان عشق
عشقیمی تأیید ائدندن بی قرار اولدوم آنا
.
.
آلدی آغوشه منی مَخیمده خورشید ولا
مأمن ائتدیم قرب خورشید ولانی چون سها
فقر تاجین باشیمه قویدی بابام میر هدی
والی اقلیم فقر و افتقار اولدوم آنا
.
.
خواب ائدوب عشاق یاتدی نعرۀ مستانه لر
دول بوشال اولدی سرای عشقیده پیمانه لر
غبطه ایلر میسرای عمّه مَه میخانه لر
منده بو میخانه ده خدمتگزار اولدوم آنا
.
.
گرچه پیر میسرادور عالمه آل خلیل
منده معراج ایلدیم عرش اوستونه بی جبرئیل
سیریده پیر دلیل ائتدی منی ربّ جلیل
لوحش الله همتیمده گلعذار اولدوم آنا
.
.
حلقیمه یازدی سِه بعدی تیر اهل کین سِه لا
گؤرسنوب اسرار پنهان سِه وادیّ فنا
وادی چارم منه یوخدی بحمدلله آنا
کشور ابقایه شاه تاجدار اولدوم آنا
.
.
حلقیمین قانیله یازدیم نقش فتحی پرچمه
کربلانین نهضتین اعلان ائدم تا عالمه
شور عشقیله بابام تا باخدی بیر نهر علقمه
تیتردی عباس عَموم من کامکار اولدوم آنا
.
.
قونمییوب ذلت توزی آل علی دامانینه
نقش ایفا ویردیلار قانیله اؤز پیمانینه
منده امضا ویرمیشام ذیل خدا فرمانینه
وقت امضاده اگرچه زخمدار اولدوم آنا
.
.
پَر چکوب پَرّان اولوب چیخدیم سرای فرشدن
سیریمه صد مرحبا گلدی بنات النعشدن
تا ندای اِرجعی گلدی فراز عرشدن
گلشن قدس الهیده هَزار اولدوم آنا
.
.
گلشن قدس الهی دور حسینه کربلا
کربلاده حاجیان عشق ائدر سعی و صفا
یاره لی معشوقی ایستر وصله یار دلربا
گلشن قدّوسیده خاره دچار اولدوم آنا
.
.
گتدی سلطان بلا تاپشوردی عمّم زینبه
زینب عمّم گرچه دوشدی ظاهراً تاب وتبه
باطناً آگاهدور گتدیم طریقی یک شبه
عشقدن عشق اهلینه آتش بیار اولدوم آنا
.
.
خون حلق سرخ ائدوبدور میسراده دلقیمی
ایلییوب تکمیل قانیم خُلق و خوی و خلقیمی
ساتر اول تا گؤرمه سین نازلی رقیه حلقیمی
گؤرمه دیم تودیعیده چوخ شرمسار اولدوم آنا
.
.
نیزه لر الده گلر خرگاهه نیزه دارلر
چوخ تلاش ایلر جفا اهلی منی پیدا ائدر
یُوم گؤزون گؤرسن منی ای مادر خونین جگر
آلتی آی اسرار عشقه پرده دار اولدوم آنا
.
.
نیزه باشینده باشیم شامه گئدر همچون قمر
نوک نی ده پرچم عباس تک زولفوم اَسَر
شامین اهلی بیر بیره نوک جدانی گؤسترر
شاکرم عشق عالمینده سربدار اولدوم آنا
.
.
بوتۀ عشق حسینین من طلای نابی ام
مهر عالمدور بابام ، من عاشق بی تابی ام
کاروان اهل عشقه کاروان مهتابی ام
اعتبار عشقیدن با اعتبار اولدوم آنا
.
.
اهل عشقین سن بولورسن مایۀ اعجازی ام
دست سلطان اقالیم محبت بازی ام
من حسین بن علینین خیرداجا سربازی ام
گر صغیرم کربلاده مردکار اولدوم آنا
.
.
عالم امکاندا تبیان رموز نهضتم
زمرۀ احرار حقه واژۀ حریتم
هیکل عشقم سراپا معنی حیثیتم
سینۀ شاهه مدال افتخار اولدوم آنا
.
.
سیّد سجاد اولاندا کربلایه رهسپار
عرض ائله ای دهریده چارم ولی کردکار
سینۀ شَه ، اصغر شهزادییه اولسون مزار
سینۀ شَهده نچونکه جان نثار اولدوم آنا
.
.
نالۀ شبگیریدن شبگیریده تدبیر وار
لطف زینبدن الینده ساغر شبگیر وار
عشقدن بوینوندا اون دورت حلقۀ زنجیر وار
عشق شبگیره جهاندا منده یار اولدوم آنا
.
.
#اصغریه_شهادت
#تا_نگار_یاره_یاریله_نگار_اولدوم_آنا
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید