زبدةالاشعار

ترک ایدورشهزاده اوغلون یاره لی یورقون جهانی #اکبریه_مبکی_تبریزی

استمداد حضرت علی اکبر علیه السلام
.
✍️ زبدة الاشعار ✍️

?: @nohe_torki
.
مرحوم حاج محمد شیخ زادگان (مبکی تبریزی)
.
ترک ایدورشهزاده اوغلون
یاره لی یورقون جهانی
گل گوروم اوگل جمالی
گوزلریمدن سیل بوقانی
.
.
قان امان ویرمور دولانمور
دل ایدم ذکرکلامی
خاطریم منظور اولسا
درک قیل بو تیره شامی
تز یتور بیکس آناما
ای بابا مندن سلامی
محشره گورماقی قالدی
بو قتیل اشقیانی
.
.
یوخ سوزوم زحمت ویرم چوخ
ایلیم یا عرض حاجت
اولموشام سو ایستیندن
خیمده سندن خجالت
غم یمه سیراب ایتدی
اکبرون ختم رسالت
گوزلوری الده سو جامی
سنکیمی ماهِ لقانی
.
.
اختیاریمده اولیدی
نهر عَلقَم آب کوثر
ایشمه زیدیم ویرمسیدی
گرمنه جدّیم پیمبر
سنده کی سوز عطشدن
اودلانوب بو قانلی لبلر
اونداکی امدیم دیلوندن
قان ایدوب اشک روانی
.
.
کوفیان گوزدن سالوبدی
بو آخان شط فراتی
باغلیوبلر یوللارینی
سالدیلارضیقه حیاتی
سن خجل اولدون بوچولده
قویدولار تشنه بناتی
واحد و قَهّاردوتسون
قهری تز اهل جفانی
.
.
گول کیمی سولدی سارالدی
آل پیغمبر سوسوزدان
خردا قزلار ایتدی برپا
شورش محشر سوسوزدان
حالیمی پوزدی گلنده
غش ایدوب اصغرسوسوزدان
آغلادوب سواوسته اعدا
هم بالانی هم آنانی
.
.
راضیم قطعه به قطعه
دوغرانوب دین اوسته جسمیم
فخریدورخونین شهادت
وارشهیدان ایچره اسمیم
ال ایاق قان ایچره چاللام
خوش دیولسون اسم و رسمیم
ایلرم روحیم چیخونجان
حق یولوندا جانفشانی
.
.
دلخوشام مین جانیم اولسا
یاره دگسون اوخ دوزولسون
جان ویرم مین زحمتیله
تشنه لب قانیم سوزولسون
دوزمرم سن گلمه سن بو
رشتۀ عمروم اوزولسون
حیف دور او گل جمالی
گورمموش ویرسم بو جانی
.
.
گون دوشوب یارم سیزیلدار
باغلیان یوخ چوخدی نسگیل
ای شعاری جود و رحمت
لطف خاصّون ایله تکمیل
جان دوداقیمده دوروبدی
گلماقوندا ایله تعجیل
باشلیوم دیدارویله
صون نفس شکر خدانی
.
.
بو تشرف ایتسه رنجور
سالماسان بوللم نظردن
گوزلریم قانیله دولموش
عاجزم دفع خطردن
کامه یتدیم شکرللّه
باشداکی شق القمردن
ایتموشم گوزده مجسم
عترت بی خانمانی
.
.
خیمه لردن آیرولاندا
من بابا نازلی سکینه
دامنیدن دوتدی گوردون
آغلادی اول بیقرینه
یالواروردی گیتمه قارداش
قان توکندی قوم کینه
قان اولار باغری بو نوعی
گورسه شبه مصطفانی
.
.
واراورک باشیمدا ایکاش
بولمیه خنجر یاراسی
پیکریم خندان اولوبدی
چوخ یتوب خارین جفاسی
اوج ایدوب جدیم رسولون
وای علی ایوای صداسی
آغلادار بو درد عظما
حضرت خیرالورانی
.
.
ایلیر هجران غمون چوخ
قلبیمی بی صبرو طاقت
سنده آردیمجا ایچرسن
تشنه لب جام شهادت
وای منه ایوای سن ئولسن
ظلمیله قوم شقاوت
قول قولا باغلار بناتون
آرترار جمله فغانی
.
.
ظلمیدن سفیانیانون
ذرّجه یوخ اجتنابی
تاپسالار ال ئولدورللر
عترت ختمی مأبی
زهره چاک اولمازرقیه
گورسه وارقولدا طنابی
ویرسالارسیلی یوزوندن
حشره تک گیتمز نشانی
.
.
ملجأ امیدیمزسن
ایستدی امداده اکبر
ناگرانم گلماقوندان
بولمیه لیلای مضطر
غش ایدربولسه اولوبدی
چاک چاک بو قانلی پیکر
چشمۀچشمی اولور قان
(مبکی) تک قالماز توانی
.
.

متن پیشنهادی:  جهانی ترک ائدوب طاها، دوتون ای شیعه لرماتم #پیامبراسلام_حضرتی_ناعمی

#سبک_ای_ویرن_ویرانه_یرده ( بیش از 3 سبک)

.
#اکبریه_شهادت
#ترک_ایدور_شهزاده_اوغلون
#مبکی_تبریزی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی