زبانحال و استیذان حضرت عباس (ع)
.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی … 4 سبک … شهریاریمسن … کربلا منتظر ماست …
.
.
مرحوم کاتب اردبیلی
.
تشنه لر ناله سی قارداش گتوروب جانه منی
وئر اجازه یولا سال جانب میدانه منی
.
.
وار نه باکیم قوشونا یوخدی اگر حد و حساب
الده کسگین قلجیم واردی رکابیمده عقاب
گر شیاطین اولا بو قوم منه تیر و شهاب
وئر اجازه یولا سال جانب میدانه منی
.
.
هر قبایلده بیلورسن آدیمون شهرتی وار
دشمن و دوست بیلور منده على صولتی وار
زاده ی شیر خدایم قولومون قوتی وار
وئر اجازه یولا سال جانب میدانه منی
.
.
اذن وئرسون گئدرم دشمنیله جنگ ائدرم
حیدرانه قوشونا عرصه گهی تنگ ائدرم
خون اعدانی توکوب بو چولی پررنگ ائدرم
وئر اجازه یولا سال جانب میدانه منی
.
.
صف أعدانی پوزوب بیر بیری اوسته توکرم
لشگری صفحه ی طومار تک الدن بوکرم
دوتارام زاده ی سعدی یوزی اوسته چکرم
وئر اجازه یولا سال جانب میدانه منی
.
.
رخصتیم اولسا یزیدون یخارام بیدقینی
پوزارام جمله سران سپهون رونقینی
دوتارام شمر و سنان حرمله و ازرقینی
وئر اجازه یولا سال جانب میدانه منی
.
.
عرب ایچره آدیما ضیغم هیجا دئیلور
هاشمی لرده ولی آدیمه سقّا دئیلور
منده یوخ سو نیه بو آد منه آیا دئیلور
وئر اجازه یولا سال جانب میدانه منی
.
.
گر جنابوندن اولا اذن من خونجگره
آچارام آب فراتون یولینی خیمه لره
سو یتورّم بو زمان عترت خیرالبشره
وئر اجازه یولا سال جانب میدانه منی
.
.
نه روا سو یولینا عترتون حسرتله باخا
اذن وئر نوکرون عباس عقاب اوسته چیخا
صفلری برهم ائده لشگری اوست اوسته یخا
وئر اجازه یولا سال جانب میدانه منی
.
.
بو داغیلمش قوشونا بیرده نه لازمدور علم
وئر منه رخصت میدان گئدوم ای میر حرم
سو آلوم یا سالا بو قولّاریمی قوم ظلم
وئر اجازه یولا سال جانب میدانه منی
.
.
سن بیلورسن نقدر جسمیده سالمدى قولوم
دشمنون قدرتی اولماز قیلا محدود یولوم
شوقمندم ولی بو دشتیده قربانون اولوم
وئر اجازه یولا سال جانب میدانه منی
.
.
منی نوکر وئروب حیدر بابام اوّل گونده سنه
یوخدی بیر خدمتیم هرچند برازنده سنه
بئله وقتونده ندور نفعی قالام زنده سنه
وئر اجازه یولا سال جانب میدانه منی
.
.
غیرت آخرده هلاک ایلر علمداری بو گون
آدی سقا ولی یوخ اوندا سو آثاری بو گون
قوی گئدوب سو آلا یا که وئره قولّاری بو گون
وئر اجازه یولا سال جانب میدانه منی
.
.
من قالوم زنده مگر غیرته گنجیده دی بو
خیمه لرده قالا اطفال هامی خشک گلو
چوخ رضایم سالا بو قوللاریمی قوم عدو
وئر اجازه یولا سال جانب میدانه منی
.
.
طاقتیم یوخدی گورم تشنه علی اصغریمی
ائشیدم العطشِ عترتِ پیغمبریمی
قویمشام من سو یولیندا ایکی بازولریمی
وئر اجازه یولا سال جانب میدانه منی
.
.
من نجه ایندی باخوم عترت اطهار اوزینه
قوریان مشکون اولار جمله باخورلار اوزینه
خجلتیمدن باخا بیلمم من اوشاقلار اوزینه
وئر اجازه یولا سال جانب میدانه منی
.
.
#عباسیه_کاتب_اردبیلی
#عباسیه_شهادت
#تشنه_لر_ناله_سی_قارداش_گتوروب_جانه_منی
#ترکی
.
✍️ #زبدةالاشعار ✍️
.
🆔: @nohe_torki
نظر دهید