زبدةالاشعار

تصور ایلسن شامون یولین بیر اوزگه عالمدور #راه_شام_ثابت_تبریزی

زبانحال حضرت لیلا (س) در راه شام

.
✍️ #زبدةالاشعار ✍️
.
🆔: @nohe_torki
.
مرحوم حاج محمد علی ثابت تبریزی
.
تصور ایلسن شامون یولین بیر اوزگه عالمدور
اولوبدور تیره قلبم غصه دن چون شام مظلمدور
.
یتوب آل الّهه شامون یولوندا چوخ مصیبتلر
نقدری غصّه و اندوه و درد و محنت و غمدور
.
جدا باشندا باشلار گوئیا بیر بدر کاملدور
حرملر چون ستاره دوره ده یکسر منظمدور
.
نظاره قیلدی اکبر باشینه لیلا او اثناده
گوروب مه یوزده چین چین حلقه حلقه زلف پر خمدور
.
آخوبدی باشینون قانی مثال لؤلؤ مرجان
دوروب گل عارضنده قطره قطره مثل شبنمدور
.
خطاب ائتدی اوغول آچ بیر زمان آلقان دولان چشمون
نظر قیل بیر آناوا گور نه نوعی حالی برهمدور
.
آدیم لیلی اوزوم مجنون نهاریم لیل تک مظلم
اوزوم همخانۀ محنت انیس و همدمیم غمدور
.
جدادن اگ باشون بیکس آناوی لحظه ای دیندیر
خدایه خوش گلور چونکه آنایه حرمت اکرمدور
.
اگر چه ظاهر صورتده قید ظلمله بندم
ولی معناده زلفون گردنیمده بنده محکمدور
.
سنی دشمن آپارسا هر دیاره بول یقین گلم
بو شامون یولاریندا قانلو باشون منله همدمدور
.
یوزون والشّمس زلفون متنی واللیل یغشی دور
باشوند آیۀ شق القمر گویا مترجمدور
.
کوره هر کیمسه گر باشون بو یولّاردا تعجبله
دیر شیر خدادور بو قتیل ابن ملجمدور
.
ولی بعضی دیر حیدر دگل ختم رسالتدور
گیدر معراجه چون الله یانندا خیلی اعظمدور
.
نچون وار دور شباهت خَلق و خُلق و منطقه سنده
بو یرده جای شبهه یوخدی معلوم و مسلّمدور
.
نصارالر دیر داره چکوبلر بو مسیحادور
بو پای داریده اشگین توکن رخساره مریمدور
.
جدا قدری دوروبدور باشیم أوسته گونکیمی باشون
بو قدری وار گوزومده عرصۀ محشر مجسم دور
.
منیله قاسم داماد آناسی همدم محنت
نچون اوغلی ئولن مادر بیله اسراره محرمدور
.
غذامیز خون دل بالینیمیز خار مغیلان دور
بیزی سیراب ایدن سیلاب اشگ چشم پرنمدور
.
وورار قمچی سکینه آغلیاندا شمر بداختر
بیزه هر بیر غم و رنج و مصیبتدن بو معظمدور
.
منیمده باشیمه گرچه وورالّار دمبدم قمچی
نئدیم بیکس آنان هر بیر غم و رنجه مصمّمدور
.
بوابیاته سنون «ثابت» «دخیلدن» واردی سر مشقون (1)
ولاکن واردی چوخ فرقی او دریادور بو بیر نمدور
.
(1) #پریشان_طرۀ_زینب_که_غرق_اشک_ماتم_دور از #دخیل در موضوع #کوچ_کربلا
#بیبون_یابن_الحسن_بار_بلادن_قامتی_خمدور از مرحوم #انور_اردبیلی تضمین شعر مرحوم #دخیل در موضوع #کوچ_کربلا
.
#راه_شام #ثابت_تبریزی
#تصور_ایلسن_شامون_یولین_بیر_اوزگه_عالمدور
#ترکی
#زبدةالاشعار

متن پیشنهادی:  آغلاما ای زینبین صبر و قراری آغلاما #حضرت_رقیه_آصف_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی