زبانحال حضرت رقیه (س) در خرابه شام
.
✍️ #زبدةالاشعار ✍️
.
🆔: @nohe_torki
.
#سبک_ای_قلم … 5 سبک
مشابه
.
متقی تبریزی
.
تنگه گلدی دل و جانیم عمه
گلمدی شاه عطشانیم عمه
شامون اهلی ائدوللر شماتت
یوخدی بو درده درمانیم عمه
.
.
هی ووروللار منه دل یاراسی
چوخ دیوللر بونون یوخ لباسی
بس بابام هاردادی گلمور عمه
هی دیوللر ئولوبدی باباسی
اکبره اصغره منتظردور
چشم خونبار و گریانیم عمه
.
.
گلسه عمه بابام چوخ سوزوم وار
سیلی لردن گوورمیش یوزوم وار
آغلیاندا بابامه ووروبلار
هاردا من تک اوشاقین دوزوم وار
خاریلر یاره ایلوب ایاقدان
جاری دور توپراقا قانیم عمه
.
.
گون باتاندا ئورک دغلارام من
دیلده بابا دیوب اغلارام من
اگنیمون کهنه لوبدی لباسی
معجریمی سیلوب باغلارام من
اکبریم اولماسا نیلیورم
اولسادا تازه دامانیم عمه
.
.
توپراق اوسته قالوب آل عصمت
خوردا سنیمده چکدیم مصیبت
گوظواره می الدی الیمدن
آت دوشونده قووان اهل غارت
یاره لنموش قولاق اولدی پاره
سان وئرور ایندیده جانیم عمه
.
.
قویموری یاره لر بیر یاتام من
خوابیده وصل یاره چاتام من
عفو ایله عمه جان بو سوزومدن
نئچه گوندی بی بی چوخ آجام من
من دعا ایلیوم سن دئ آمین
قورتارا جانی ، جانانیم عمه
.
.
متقی سوریه باغلی قالدی
قلبیدن تاب و ارامی آلدی
یاره لی باشی گوردی رقیه
رنگ رخساری گول تک سارالدی
سویلدی گلدی دیداریمه گل
لبلری قانلی مهمانیم عمه
.
.
.
#حضرت_رقیه_متقی_تبریزی
#حضرت_رقیه_شهادت
#تنگه_گلدی_دل_و_جانیم_عمه
#ترکی
.
✍️ #زبدةالاشعار ✍️
.
🆔: @nohe_torki
نظر دهید