پندیات
.
.
.
حاج اصغر فرشچی (عدلی تبریزی)
.
توانا مال دنیادن بو قدری اولما چوخ مغرور
سلیمان جهان اولسان اجل ایلر سنی مهجور
.
یازولموش آیه کلُّ مَنْ عَلَیها فان قرآندا
تمام خلق اولونموشلار مزار ایچره اولار مستور
.
اَلَه سیرت گتور ویرمز ثمر ثروت گوزل صورت
اولار توپراقلار آلتوندا غذای عقرب و هم مور
.
خدایار اوکس لردی زمان درد و محنت ده
اُولی محنت کش مردم ولی قلباً اولار مسرور
.
بیله فکرایلمه مغلوب اولوبسان اولماسان پیروز
آلوب درس شجاعت موریدن چیره اولوب تیمور
.
اوکس که یاور حقدی ایدراحسان تهی دسته
ائمّه شافع محشر ائمّه ایلن اولارمحشور
.
ولایت عشقی نعمت دور سالوبدی قلبوه ربّون
بونعمتده اولان شاکر اولار محشر گونی منصور
.
گیت اورگش مکتب شاه ولایتدن کمالاتی
ولایت عشق نورانی ایدر قلبون اولارپر نور
.
قلوبی که علی مهری اولاردا مطلقاً اولماز
طریقتدن چخانلاردی قیامتده اولار مقهور
.
قدم ویر حق یولوندا «عدلی»واردور تا نفس سنده
که هرکس راه حق گتسه اولارچون حقیلن محشور
.
#پندیات
#توانا_مال_دنیادن_بو_قدری_اولما_چوخ_مغرور
#عدلی_تبریزی
#ترکی
.
نظر دهید