در مدح و ذم شعرا
.
✍️ #زبدةالاشعار ✍️
.
🆔: @nohe_torki
.
مرحوم میرزا محمد تقی قمری
.
توسن طبعیم غزل رزمینده میدان آختارور
هرکس اول میدان رزمه ایتسه جولان آختارور
.
کشتى نظمیم چکوب اوج هوایه بادبان
چوخ گچوب دریاچه لردن بحر عمّان آختارور
.
مخزن سینمده مالامالدور افصح مقال
همزبان اولماقدان اوترى نطق سحبان آختارور
.
بلبل ذهنیم آچوب درج دهان آماده دور
نغمه ساز اولماقلیقا صحن گلستان آختارور
.
هاردادور «خاقانى» صاحب لوا خاقان نظم
رأیت نظم آچسام امدادینه خاقان آختارور
.
نیّر طبع روانیم نوری اولسا جلوه گر
«انوری» ظلمات غمده کنج پنهان آختارور
.
گلسه گر میدانیمه «فردوسى» شهنامه گو
گیزلدوب شهنامه سین بیر اوزگه دستان آختارور
.
هر قصیده م قصدینه مستحضر اولسا «عنصرى»
کلمه سین ایللّرله چون طفل دبستان آختارور
.
ملح شعریمدن ایدر «سعدى» اوز اشعارین ملیح
درج نظمیندن «نظامى» درّ غلطان آختارور
.
گر غزال پر خط و خال غزل ایتسم شکار
کیم بخارادان «نوائى» مدح گویان آختارور
.
جام خجلت نوش ایدر «جامى» گوروب ابیاتیمى
محو ایدر دیوانینى بیر تازه بنیان آختارور
.
شعریمون شیرازه سى شیرازى باغلار شهبه سیز
«حافظ» شیرین سخن لفظین غزل خوان آختارور
.
خاکسارم خاک نظمیم کربلا تپراقیدور
چون تبرّکدور او خاکى عبد و سلطان آختارور
.
آفرین صاحب حشمدور «محتشم» اشعاریده
فرش ایدوب خوان عزا پیوسته مهمان آختارور
.
چون «سلیمان صباحی» دور فصاحت معدنى
کربلاده قانه باتمیش بیر سلیمان آختارور
.
میر مجلس نظمیده «فتاح» دور میر کلام
گوزیاشیلن معصیت دردینه درمان آختارور
.
گلشن ماتمده «باقر» بلبل شوریده تک
اوز گل رعناسینى گریان و نالان آختارور
.
فرقۀ شاعرلره عالمده سلطاندور «دخیل»
نظمینون هر مصرعى ماتمده طوفان آختارور
.
طایر تیز خیالیم چیخدى مطلبدن کنار
یازماقا نوک قلم بیراوزگه عنوان آختارور
.
دام تزویر اهلینون صوم و صلاتندن حذر
نعبد ایاک ده خود محض کفران آختارور
.
گنبد پر مکر دور عمّامۀ اهل ریا
هر مدوّر پیچ وتابى دینه تالان آختارور
.
رشتۀ تحت الحنکدن اى مسلمانلار هراى
بیر یامان افعى ایلاندور قتله انسان آختارور
.
سبحۀ صد دانه ایلن چوب بادامى عصا
بى عمل عالم الینده نفى ایمان آختارور
.
آغ لباس و آغ ردانین دامنى ایولر یخار
ائتماقا معمورۀ ایمانى ویران آختارور
.
خرقۀ سالوس زاهد حیله سیندن الأمان
دمبدم هر تارى یوز مین مکر پنهان آختارور
.
جان فدا علم اهلینون دین پرور و دیندارینه
فکر و ذکرى متصل آیات قرآن آختارور
.
اونلارون عمامه سى همدوش طاق عرشدور
چون اولار بیر فرقه دور توفیق سبحان آختارور
.
آختارور آفاقیده هر عاشق اوز معشوقه سین
قمرى بزم عزا شاه شهیدان آختارور
.
.
.
.
.
#پندیات_قمری
#شعر #شاعر #شعرا
#توسن_طبعیم_غزل_رزمینده_میدان_آختارور
#ترکی
.
✍️ #زبدةالاشعار ✍️
.
🆔: @nohe_torki
نظر دهید