زبانحال دختر امام حسین (ع) با شمر ملعون
.
✍️ #زبدةالاشعار ✍️
.
🆔: @nohe_torki
.
محمدی ناطق هشترودی
.
توکدون ای شمر عجب کول باشیما
قالموشام حسرت على قارداشیما
مانع اولما باری بو گوز یاشیما
.
.
ویرورم من قسم اللهه سنی
من یتیمم بو قدر ویرما منی
ویروسان وور منی ای شمر دنی
مانع اولما باری بو گوز یاشیما
قالمیشام حسرت على قارداشیما
.
.
وور واروندور نقدر قوّت و زور
گونده مین سیلی بو گل چهریه وور
تازیانه باشیما آرتوری شور
مانع اولما باری بو گوز یاشیما
قالمیشام حسرت على قارداشیما
.
.
عمَّه مه ایلمه بو ظلموی خاص
ائت ستمله منه مین بیله قصاص
منی ئولدور جانمی ایله خلاص
مانع اولما باری بو گوز یاشیما
قالمیشام حسرت على قارداشیما
.
.
آتامون بُغضینی چوخ ساخلاما سن
باغریمی لاله صفت داغلاما سن
دیمورم قوللاریمی باغلاما سن
مانع اولما باری بو گوز یاشیما
قالمیشام حسرت على قارداشیما
.
.
سایه بانی من اسیرم نِئدَرَم
ناقیه مینماقیمی ترک ایدَرَم
سال قاباقونجا پیاده گیدَرَم
مانع اولما باری بو گوز یاشیما
قالمیشام حسرت على قارداشیما
.
.
من عزا شاخه سینون نوگلیم
درد و غم گلشنینون بلبلیم
من حسین ابن علینون گلیم
مانع اولما باری بو گوز یاشیما
قالمیشام حسرت على قارداشیما
.
.
من وطن آیریسیم دربدرم
جور طلمیله بو گون بی پدرم
اکبرون عشقینه شوریده سرم
مانع اولما باری بو گوز یاشیما
قالمیشام حسرت على قارداشیما
.
.
هر زمان کیم طلب آب ایدرم
ویرموسن بو عطشه تاب ایدرم
اوزیمی اشکیله سیراب ایدرم
اکبرون عشقینه شوریده سرم
مانع اولما باری بو گوز یاشیما
قالمیشام حسرت على قارداشیما
.
.
باخ منیم یار و هواداریم ئولوب
قالمیوب بیر نفر انصاریم ئولوب
باتوب آلقانه علمداریم ئولوب
مانع اولما باری بو گوز یاشیما
قالمیشام حسرت على قارداشیما
.
.
من بوگون دختر شاه عربم
بانوی یثربم عالی نصبم
بو جفا بسدی منه تشنه لبم
مانع اولما باری بو گوز یاشیما
قالمیشام حسرت على قارداشیما
.
.
اکبرون عشقیدی دیوانه منی
ایلیوب سالدی بیابانه منی
گتورور چاره سیز افغانه منی
مانع اولما باری بو گوز یاشیما
قالمیشام حسرت على قارداشیما
.
.
باخارام نیزده اکبر باشنا
گوز یاشیم جاری اولور اوز باشنا
آغلاماز باجی مگر قارداشنا
مانع اولما باری بو گوز یاشیما
قالمیشام حسرت على قارداشیما
.
.
عالمه ایلر اثر سوز دلیم
یتیشوب قتله هامی خویش و ائلیم
اوزولوب دامن اکبردن الیم
مانع اولما باری بو گوز یاشیما
قالمیشام حسرت على قارداشیما
.
.
نیزه ده اکبریمون باشینه باخ
باجیه رحم ایله قارداشینه باخ
لیلی نون ناقه ده گوز یاشینه باخ
مانع اولما باری بو گوز یاشیما
قالمیشام حسرت على قارداشیما
.
.
عاشقین عشقی نگاره گِلَه دی
اینجیدن نه منی بو سِلسِلَه دی
هم ئوزوم هم ایاقیم آبله دی
مانع اولما باری بو گوز یاشیما
قالمیشام حسرت على قارداشیما
.
.
ایکی قولتوقدا قویوب اللریمی
ئلدوروبسوز او جوان اکبریمی
آرتوق آرتورما منیم غملریمی
مانع اولما باری بو گوز یاشیما
قالمیشام حسرت على قارداشیما
.
.
نجه تاب ایلیوم ای شوم دنی
آغلادور تا به قیامت بو منی
قالدی بی غسل و کفن گل بدنی
مانع اولما باری بو گوز یاشیما
قالمیشام حسرت على قارداشیما
.
.
جانویرن وقته گوروب آغلامادوم
باش آچوب سینمی من داغلامادوم
او جوانون گوزینی باغلامادوم
مانع اولما باری بو گوز یاشیما
قالمشام حسرت على قارداشیما
.
.
«ناطق» اخلاصیله هر شام و سحر
بزم ماتمده فغانیله دیر
سنه ای شمر لعین لعنت ایدر
مانع اولما باری بو گوز یاشیما
قالمیشام حسرت على قارداشیما
.
.
#کوچ_کربلا #کوفه_راه_شام
#توکدون_ای_شمر_عجب_کول_باشیما
#ترکی
.
✍️ #زبدةالاشعار ✍️
.
🆔: @nohe_torki
نظر دهید