زبدةالاشعار

توکمه گوزیاشون عذاره ایلمه افغان اوغول یات #اصغریه_هوشی_تبریزی

زبانحال حضرت رباب (س)
.
.
.
.
مرحوم غلامعلی باقری الهامی (هوشی تبریزی)
.
توکمه گوزیاشون عذاره ایلمه افغان اوغول یات
آغلاما جانیم اوآغلارگوزلره قربان اوغول یات
.
ای اولان دیدمده نوریم وی منیم آرام جانیم
دلده ای شوروسروریم سینه ده صبرو توانیم
مایۀ عیشیم امیدیم سود امرشیرین زبانیم
ای گلستان وفاده بلبل خوشخوان اوغول یات
.
.
آزسرشکین توک عذاره دلدن آزنی تک فغان ویر
بوغریب بینوایه دردون آزشرح وبیان ویر
گل کیمی سولموش دوداقون آزاشارتله نشان ویر
بیله اممه دل دوداقون اصغرعطشان اوغول یات
.
چکمه آه شعله بارون سینمه آزوُرشراره
آزخراش ایت دیرنا قیله سینمی آزایله یاره
نه علاجیم وارعلی جان ایلیوم آخرنه چاره
نه صوده واردورآناندا نه سویا امکان اوغول یات
.
.
واریری بوماجراده روزوشب گرآغلیم من
بولمورم هانسی غمونده لیک سینه داغلیام من
بیربوناقالموش علاجیم اللریوی باغلیام من
بیرقدرقیل استراحت آغلاما بیرآن اوغول یات
.
.
ای گل گلزارعمروم نخلۀ ایمانه هسته
اوزاوزون بیربیله یورما ایلمه بیربیله خسته
گریوخون گلموربشیکده دوراوغول گل سینم اوسته
تاسنه لایلای دیوم من ای گل رضوان اوغول یات
.
.
اوزسیاقیمندن عیاندورسنده نه سوزعطش وار
اودلانورنیلوم سوسوزدان سنکیمی هرغنچه وش وار
بیرایچیم سواوسته آخرخیمه لرده کشمکش وار
آغلاماایتمه آناوین صبرینی تالان اوغول یات
.
.
آغلاما بیله سرشگین ایلمه رخساره جاری
آغلیاندا سن ربابون سلب اولورصبروقراری
ای بالادوشدون نفسدن ساکت اول بیرلحظه باری
منده یوخ ایلیم نه چاره دردیوه درمان اوغول یات
.
.
ای سولان سوزعطشدن گل یوزی غنچه دوداقی
بلبل نازحجازی باشلاما شورعراقی
ایتمه هرگز بو عراق پربلاده سوسراقی
بوعراق اهلی ایچردرسویرینه قان اوغول یات
.
.
عارضون سولموش گورنده اوز گه بیر احواله قالّام
شیشۀ آرام و صبری حسرتیله داشه چالّام
گه سنی آلّام قو جاقه خشک اولان پستانه سالّام
سویلرم بیرعمر آناسین ای قویان نالان اوغول یات
.
اود دوتورجانیم او آهون قلب دنیانی یاخاندا
قلبیمی طرزنگاهون اودلوری حسرت باخاندا
سینه ده قالمورقراریم گوزلرون هردم آخاندا
ای اولان مهرولایه کوکب رخشان اوغول یات
.
.
سن منیم باغ بهشتیم سن منیم غنچه گلومسن
وارسنه بیحد علاقم صبر وآرام دیلیمس
گلشن سینمده آخرخوش ترانه بلبلوم سن
بلبل نالان آزآغلاغنچۀ خندان اوغول یات
.
.
ای گوزوم نورضیاسی سینمین ای صبروتابی
آغلیاندا سن آناوین دلده آرتوراضطرابی
آغلاما سن آغلادورسان حالیوه بیکس ربابی
آغلاماایتمه آناوی بیربیله گریان اوغول یات
.
.
(هوشیا)عالمده عمرون ایتمدون بیجا تعلّل
پربها عمرینده بولدون هرکسه وار دورتعمّل
نه گوزل اشعاریازدون اصغره ایتدون توسّل
آغلادارزهراآناسین بسدی بوعنوان اوغول یات
.
.
.
#اصغریه_هوشی_تبریزی
#اصغریه_شهادت
#توکمه_گوز_یاشون_عذاره_ایلمه_افغان_اوغول_یات
#ترکی
.
.

متن پیشنهادی:  جهانه صولتون سالوب صدا اباالفضل #حضرت_ام_البنین_یحیوی_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی