زبانحال حضرت اباعبدالله الحسین (ع) در بالین حضرت علی اکبر (ع)
.
✍️ زبدة الاشعار ✍️
?: @nohe_torki
.
داود حیدری
.
تپراقلار اوسته نازیله گل ایتمه خواب اوغول
دور گور که باشون اوسته دوروب آفتاب اوغول
.
الله بولور ننوعیله گلدیم سراغیوه
یوز وئردی بو غریبه غم بیحساب اوغول
.
لیلایه رحم ائله دو گداق خیمه گاهینه
قالموب داخی آناندا گچن صبر و تاب اوغول
.
اهل حرم خیمده ائدوللر سنی دعا
لایلای دئمور بالاسینا حتی رباب اوغول
.
گویا که کوسموسن بو غریب دیاریله
خوش گونلریم اولوبدی داخی بیر سراب اوغول
.
تل اوسته چوخ چخور انوری زینب حزین
چوخ ناگرانیدور بیزه علیا جناب اوغول
.
نسگل اولوب بی بی نده گله نعشین اوستونه
غیرتلیه چتیندی وئرر چوخ عذاب اوغول
.
گوزلور یولون رقیه باجین ، ایستسه سنی
نه دللریله من اونی ایلوم مجاب اوغول
.
سعییم بودور که آغلامیام صبر ائدم علی
قلبیم ائدور ولیک منه بیر عتاب اوغول
.
اوغلون اولور دییر منه آغلا ، که یانمیشام
تا گوز یاشیم آخا آزالا التهاب اوغول
.
سعد اوغلی هی وئرور منه اوغلانلارین نشان
سن ال ایاق چالوب منه وئرمه عذاب اوغول
.
باشین یاراسی قلبیمی خنجر کیمی بولوب
جلوه لنور گوزومده سر بوتراب اوغول
.
یوخ صاف یرون بو جسمیده تا بوس ائده آتان
آواره قالمیوبدی من کیمی دنیاده باب اوغول
.
هانسی اوخی چکوم یرینی بوس ائدیم علی
بو اوخلی جسم ائدیبدی منی دلکباب اوغول
.
بیر صاف یرون بدنده لبوندور یاراسی یوخ
هاردان سالوب یولون دی گوروم کی عقاب اوغول
.
هر سمته گوز گزور بدنوندن او یرده وار
گویا ورق ورق داغیلوبدور کتاب اوغول
.
حالین گورنده یاندی اورک تار اولوب گوزوم
آغلار گوزه بو غمده گلوبدور حجاب اوغول
.
یغدیم جنازه وی بو عبایه که حمل ائدوم
امداده سسلیوم کیمی وئرسون جواب اوغول
.
فتیان هاشمی بو زمان سسلدیم گله
تا حمل اولا خیامه عبا باشتاب اوغول
.
ایکاش اولییدی آیری عباده بو بیکسه
اولدی تداعی ذهنیده سقای آب اوغول
.
حمل ایتماقا او پیکری لازم اولار عبا
اوندا عبا گتور منه ایله ثواب اوغول
.
یوخ یوخ بو حالیله دورا بولمزسن حیف اولا
نهرین کنارینی او ائدر انتخاب اوغول
.
پایین پاده دعوت ائله ” حیدری ” دئسون
تپراقلار اوسته زحمتیله ایتمه خواب اوغول
.
#اکبریه_شهادت
#تپراقلار_اوسته_نازیله_گل_ایتمه_خواب_اوغول
#داود_حیدری
#ترکی
.
✍️ #زبدةالاشعار ✍️
?: @nohe_torki
نظر دهید