در بدرقۀ زائران کعبه و زائران کربلا
#گریز به #وداع
.
✍️ زبدة الاشعار ✍️
?: @nohe_torki
.
مرحوم ناصر اردبیلی
.
ثبوت حقه ایکی کعبه واردور ای هوشیار
بنای حق بو ایکی کعبه دن تاپوبدی قرار
.
بو کعبه اونیلا او کعبه بونیلا پاینده
بیری بیرین او ایکی کعبه ساخلیور زنده
.
او کعبه بیت خدادور مقام سعی و صفا
بو کعبه کرب و بلادور مکان حزن و نوا
.
او کعبه اهل حقه قبله حقیقتدور
بو کعبه اهل دله قبله محبت دور
.
او کعبه دن اولور اکمالِ عقل و دین منظور
بو کعبه دن یتشور عشق و معنویّته نور
.
او کعبه مدرسه دین و دانش و عزّت
بو کعبه مکتب عشق و خلوص و حریّت
.
او کعبه تزکیه نفس ایلیور تعلیم
بو کعبه رابطه عشقی ایلیور تحکیم
.
دوتار عزیز اولاری جان و دلدن هر عاقل
او کعبه کعبه جاندور بو کعبه کعبه دل
.
گئدن او کعبیه شوکت تاپار اولور حاجی
گورن بو کعبه نی عزّت تاپار اولور ناجی
.
او کعبه نون داشی گلمش دیولَّه جنّتدن
گلور بو کعبه ده بوی بهشت تربتدن
.
اولور او کعبه ده نور کمال حق ظاهر
اولور بو کعبه ده نور جمال حق ظاهر
.
همین او کعبه نی بنیاد ائدوب خلیل خدا
بو کعبه نی ائدوب آباد سیّدالشهدا
.
وئرور او کعبه ده تشکیل کنگره اسلام
اولور او کنگره دن حکم اتّحاد اعلام
.
اولور او کعبه ده تشکیل عشق کنگره سی
تاپار او کنگره دن جلوه،عشق منظره سی
.
اولور او کعبه محلّ طواف خانه دین
بویردی صاحب دینون طواف ائده لّر اوزین
.
او کعبه ده حجرالاسودی دوتالاّ عزیز
تاپوب بو کعبه ده عزّت مزار عنبریمیز
.
هر ئیل او کعبیه بیر دفعه باغلانور احرام
ولی بو کعبیه احرار باغلیولاّ مدام
.
همین او کعبه ده لیر چشمه آب زمزم وار
ولی بو کعبه ده مین چشمه چشم پر نم وار
.
شکار او کعبه ده اولموش حرام شهرتی وار
اولوب بو کعبه ده تا طفل شیرخوار شکار
.
خدا او کعبه ده قان توکمگی ائدوبدی حرام
توکوب بوکعبه ده خون خدانی قوم لئام
.
اولوبدی اوردا قوچیلا عوض ذبیح خلیل
حسینه بوردا اولوب خونبها خدای جلیل
.
کسیلمسون او مناده گرک سوسوز قربان
کسیلدیلر بو منانون فدالری عطشان
.
کسلّه دهُّم ذبحجّ اوردا قربانی
کسوبله عشر محرّمده بوردا قربانی
.
گیوب بو کعبه غمیندن،او کعبه قاره لباس
بو کعبه شاهینه اول کعبه ساخلیوبدور یاس
.
او ذبح اعظم و عطشانه باطناً هر دم
منا و کعبه ائدر ناله آغلیور زمزم
.
قیامته کیمی قرآن آیه به آیه
ائدر فغان و نوا او مورّق اعضایه
.
او بحر عقل و او دریادی علمه صبح و مسا
ائدلّه عالم معناده عقل و علم و نوا
.
او شاه دین که جان وئردی حفظ دین اوسته
اولور اوزی اونا دین سوگوار پیوسته
.
ویران او پیکر سلطان کربلایه یارا
ویروبدی پیکره دین کبریایه یارا
.
.
گر ائتمه سیدی حسین دینه جانینی قربان
نه دین اولوردی نه کعبه نه قبله نه قرآن
.
.
قدسیان گویدن سلام ایلر او قانلی تربته
باشلیاندا ذکر یا سبّوح یا قدّوسنی
.
کربلاده کیم زیارت ائتسه زهرا اوغلونی
مین طواف بیته وئرمز اول ضریحین بوسینی
.
عرشده آللّهه زائردی حسینون زائری
آغلا خوار ائت اهل بیتین دشمن منحوسینی
.
گوز یاشیلان یاز عریضه کربلا مظلومینه
بلکه یازدی درد عشّاقه شفا داروسینی
.
آلتی گوشه قبری گورسوز سیز اوپون اوندان دیون
داشلار آلتدا تاپدی زینب بوردا اوز دلجوسینی
.
قارداشیندان آند اولا آللّهه زینب دویمادی
یولاّدی عطشان جهاده دلبر مه روسینی
.
آیریلیق وقتی گلوب دوتدی حسینون دامنین
عرض ائدوب دیندیر حسین زندان غم محبوسینی
.
باخ حرملر حالینه بیکس باجون قربان سنه
ای همای حق ائشیت قمریلرین کوکوسینی
.
#کربلا_کعبه
#زائر_کعبه
#زائر_کربلا
#مفاخره_کعبه_کربلا
#ثبوت_حقه_ایکی_کعبه_واردور_ای_هوشیار
#ناصر_اردبیلی
#ترکی
.
✍️ #زبدةالاشعار ✍️
?: @nohe_torki
نظر دهید