زبانحال امام حسین علیه السلام در وقت وداع
.
✍️ زبدة الاشعار ✍️
?: @nohe_torki
.
مرحوم حاج محمد آقا فرقانی (محبی)
.
جام عشق یاریله سر مست و مخمورم باجی
باشدان ال چکسم گنه عشقمده پرشورم باجی
.
.
بسکه مست جام عشقم چکمیشم کثرتدن ال
دامن وصل نگاره تاپمیشام وحدتدن ال
ویرمرم ال بیعته من چکمرم عزتدن ال
عزت نفسیله چون عالمده مشهورم باجی
.
.
انبیایه ائتدیلر تکلیف حق فرمایشین
بزم وحدتده گلوب گورسونله غم پیرایشین
بارش ابر بلانون گوردولر افزایشین
هر بیری بیر نوعیله عرض ایتدی معذورم باجی
.
.
یتدی نوبت اولیایه ، اولیاده هکذا
من ولی شوق لقا گوردوم دیدیم ماحبذا
چون بلا طومارینه باخدیم قبول ایتدیم لذا
تا سنی گوردوم گورندن شاد و مسرورم باجی
.
.
من او گون که کربلا پیمانه سین نوش ائتمیشم
سرّی وار گلدوقجا درد و غصّه کرنوش ائتمیشم
آتش آهی همان بیر گونده خاموش ائتمیشم
دین دیریلمز ئلمسم ، اسراره گنجورم باجی
.
.
کربلانی من بو گون بیر وادی طور ایلرم
حضرت موسانی محو جلوۀ نور ایلرم
سر ” انّی جاعلٌ فی الارض ” مشهور ایلرم
چون خلیفه لفظنه اللهه منظورم باجی
.
.
من صراط مستقیمون مشعل پر نوریم
وارث علم النبی ، اسرار حق گنجوریم
تا وارام فرمان حق اجراسینون ماموریم
ایتماقا اتمام حجت خلقه مجبورم باجی
.
.
ماسوااللهه یر اوسته حجت داور منم
طلعت هر مهر و ماهم شمس هر خاور منم
بیر جهان کفار آرا اسلام ایچون یاور منم
نقطه پرگار تک هر چند محصورم باجی
.
.
کربلانی ایلرم عاشقلرین قربانگهی
بو منای عشقدن دنیایه ویرم آگهی
کربلادور ، کربلادور ، کربلادور حق رهی
رهنمای گمرهان تا نفخۀ صورم باجی
.
#سبک_زینبم_جان_اوستیم (4سبک)
.
#وداع
#جام_عشق_یاریله_سر_مست_و_مخمورم_باجی
#فرقانی_محبی
#ترکی
.
✍️ #زبدةالاشعار✍️
?: @nohe_torki
نظر دهید