نیزه ده بیر باش تجلا ایلیور …
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم بیضا اردبیلی
.
جانی جانانه وئرن عهدینده نقصان ایلمز
شاه لب عطشان حسیندور نقص پیمان ایلمز
.
.
.
کشف اولار میخانه ده اسرار سرمستان عشق
باده وصلت ایچلر سینه لر سوزان عشق
بو حسین اوخ آختارار اولموشدی سرگردان عشق
داغ هجران قلبینی سر مست سبحان ایلمز
.
.
.
نیزه ده بیر باش تجلا ایلیور الله تک
کربلا سینا دگور گلسون کلیم الله تک
مخفی دور میخانه ده اسراری سر الله تک
رغبت یار ایلیور امکان اغیار ایلمز
.
.
.
چون حسین پیمانۀ عشقی ایچوب میخانه ده
عاشق حق عشقین اثبات ایلیوب خمخانه ده
قانلو لبلر سجده ده باخ صحبت جانانیده
یاد یار ایلور هراس زخم پیکان ایلمز
.
.
.
ذات هو جلوه لنوب نیزده قران اوخیدی
واله عشق حبیب اولدی اونا جان اوخیدی
لبلرین آچدی بلا دشتینده سوزان اوخیدی
بو رخی یار, یانان عاشقه پنهان ایلمز
.
.
.
آتش عشق رخ جانانه جان بذل ایلرم
محرم عشق اولموشام اوچ شعبه اوخ بوس ایلرم
بزم وحدتده یانوب شعله چکوب حق سویلرم
اولماسا عاشق فنا شش ماهه قربان ایلمز
.
.
.
غیر هجران هر بلا آسان اولوبدور زینبه
نیزه اوسته بیر کسوک باش یار اولوبدور زینبه
اَم حَسِبتَ آیه سی گفتار ایدوبدور زینبه
عاشق دلخسته فکر شمع سوزان ایلمز
.
.
.
یاندیران پروانه نی اول شعلۀ سوزانیدی
باش جداده گورسنوب زینب یانور طوفانیدی
عشق زینب موج ایدوب قان موج ایدوب دیداریدی
داش ویران فاحشه لر زینبی گریان ایلمز
.
.
.
من سیه پوش حسینم چون فنا فی اللهیدور
حمله ایلرلر منه بیضا حسین اللهیدور
ناروا فتوا وئرنلر نار منزلگاهیدور
ساکن میخانۀ حق حقه کفران ایلمز
.
.
#حسینیه_بیضا_اردبیلی
#حسینیه_شهادت
#جانی_جانانه_وئرن_عهدینده_نقصان_ایلمز
#ترکی
.
✍️ #زبدةالاشعار ✍️
.
🆔: @nohe_torki
نظر دهید