زبدةالاشعار

جان دوشوب تنگه فلک جانیم الیمدن گیتدی #فاطمیه_هدایت_تبریزی

زبانحال حضرت علی ( ع) در فراق فاطمه ( س)
.
✍️ #زبدةالاشعار ✍️
.
🆔: @nohe_torki
.
#هدایت_تبریزی
.
جان دوشوب تنگه فلک جانیم الیمدن گیتدی
یانیرام سوگل جانانیم الیمدن گیتدی
.
دختر خیر بشر خیر نساء خیر کثر
همدمیم کوثر قرآنیم الیمدن گیتدی
.
لطف حقدن منه همسر یازلنمشدی بتول
هبۀ خالق رحمانیم الیمدن گیتدی
.
منی پیشواز ایلیردی متبسّم حالیلا
گل جنّت لبی خندانیم الیمدن گیتدی
.
ایویمین زینتی ، تندیس وفا ، حور سیر
همدلیم ، شمع شبستانیم الیمدن گیتدی
.
سرولر قامت طوباسنه حیرتده قالان
زینت روضۀ رضوانیم الیمدن گیتدی
.
مهربان ، مهر فروزان ادب ، رحمت حق
حوریه ، صورتی انسانیم الیمدن گیتدی
.
فاطمه مائدۀ حقّیدی همتاسزی دی
رحمت خالق سبحانیم الیمدن گیتدی
.
ادب و معرفت و حجب و حیا و عفّت
بیچیلن قدّینه هم شانیم الیمدن گیتدی
.
قدسیان حسرتیله گویده تماشایه دوران
عارفه ، عابد یزدانیم الیمدن گیتدی
.
بخت و اقبالی اوجا ، شانی اوجا ، همت اوجا
سالک مسلک عرفانیم الیمدن گیتدی
.
می حسنیله منی مست ایلدی دوقّوز ایلی
ساقی چشمۀ حیوانیم الیمدن گیتدی
.
عصمت آئینه سی ، سینای محبّت اورگی
پاک وش ، مهر فروزانیم الیمدن گیتدی
.
بضعۀ قلب روسول مدنی ، کوه وقار
قامتی سرو خرامانیم الیمدن گیتدی
.
عالم عشق و محبّت ده سر آمد ، خوش خلق
خوش باخیش ، منبع احسانیم الیمدن گیتدی
.
قلزم مهر و وفا ، سینه سی اصدافه مکان
مخزن لوءلوء و مرجانیم الیمدن گیتدی
.
مهر اقلیم شرف ، ماه منیر اُزکاء
حجب ده طهرده میزانیم الیمدن گیتدی
.
کیمه درد دل ائدیم کیمدی بیلن مطلب می
چاره یوخ دردیمه ، درمانیم الیمدن گیتدی
.
گر دیسم حوری دی ، حور هاردا چاتار فاطمیه
آی دان آرتیق مه ایوانیم الیمدن گیتدی
.
هانی سکّان سماوات و زمین دن اونا تای
گوهر ناب و درخشانیم الیمدن گیتدی
.
مهری فردوس نعیم و غضبی قعر جهیم
حرمتی واجب و الاذعانیم الیمدن گیتدی
.
شرق محراب عبادت ده یوزی مهر مضیء
خور پر لمعه و رخشانیم الیمدن گیتدی
.
قرب حق ده اونون امثالی نه واردور نه اولار
حق شناس و حقه قربانیم الیمدن گیتدی
.
شوری شوریده ایدوب دور منی ، شوریده سرم
سَکن و رامش و سامانیم الیمدن گیتدی
.
هم امانت منه ، هم ماءمنی دی بنت نبی
افضل نعمت مننانیم الیمدن گیتدی
.
هق هق گریه سی آهنگ دل انگیز عروج
روبه قبله لبی لرزانیم الیمدن گیتدی
.
حکمتی علمی قوی پایۀ ایمانی قوی
صبرده حلم ده سلطانیم الیمدن گیتدی
.
همرهیم ، همقدمیم ، هم نفسیم ، هم نسبیم
هم روش ، هم حسب ، هم قانیم الیمدن گیتدی
.
او منه منده اونا دلخوشودوخ عالم ده
هم کلامیم ، گولوم ، همسانیم الیمدن گیتدی
.
اوز اوشاقلاری قالیب قونشونو ایلردی دعا
رحمت ساطع حنّانیم الیمدن گیتدی
.
آتاسندان صورا صد حیف اولا چوخ گوردی جفا
اوزو پوزقون گوزی گریانیم الیمدن گیتدی
.
حقّی غصب اولدو فدک گیتدی عیان اولدو ستم
دوزمه دی صبرده عمّانیم الیمدن گیتدی
.
چوخ تلاش ایلدی ملکون اوزونه وئرمه دیلر
منکسر اولدو پریشانیم الیمدن گیتدی
.
آستانیم یانالی یاندی اونون سینه سی ده
اشکی قان سینه سی سوزانیم الیمدن گیتدی
.
مستدل منطقیله غاصبی رسوا ایلدی
سالط منطق و برهانیم الیمدن گیتدی
.
حیف او سینه کی اونو میخ بلا یاره له دی
سینه سی مخزن ایمانیم الیمدن گیتدی
.
تنگه دوشدی نفسی ، گوردو فراخ عالمی تنگ
خوان نعمت ده کی خوش خوانیم الیمدن گیتدی
.
دستبند اولدو اونا ضربت هیزم اثری
اسپر حملۀ عدوانیم الیمدن گیتدی
.
هر نه یالواردیم اونا قال هله زینب بویویه
قالمادی ، اولمادی مهمانیم ، الیمدن گیتدی
.
کیم منه فاطمه نین دولدوراجاق بوش یئرینی
حقلی ام اوج ایده افغانیم الیمدن گیتدی
.
مشکلوم اولدو دوچندان اورگیم درده گلیب
سندی پیمانۀ پیمانیم ، الیمدن گیتدی
.
منه زندان دی جهان فاطمه سیز ، غصّه لی ام
عالم علویه رجحانیم الیمدن گیتدی
.
باخیرام منزلین هر گوشه سینه بوشدی یئری
عشقمین محوری ، ارکانیم الیمدن گیتدی
.
حسنینین باشنا ال چکنیم گیتدی فلک
فاطمه لفظنه عنوانیم الیمدن گیتدی
.
زینبینیم سارالیب سولدو حسین و حسنیم
گل لر افسرده دی ، گل بانیم الیمدن گیتدی
.
مرتضانین غمی نی درک ایلین اولمویاجاق
یاز #هدایت گل و ریحانیم الیمدن گیتدی
.
.
.
#فاطمیه_شهادت
#جان_دوشوب_تنگه_فلک_جانیم_الیمدن_گیتدی
#ترکی
.
✍️ #زبدةالاشعار✍️
.
🆔: @nohe_torki

متن پیشنهادی:  یاندی نار هجریده بو خسته جانیم جدّه جان #حضرت_صغری #شانی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی