زبدةالاشعار

جان وئروب امام صادق ، شیعه داغدار اولوبدی #صادقیه_رضوی_زنجانی

شهادت حضرت امام صادق (ع)
.
.
.
محمدرضا بیگلی (رضوی زنجانی)
.
.
جان وئروب امام صادق ، شیعه داغدار اولوبدی
اهل آسمان بو غمده ، یکسر اشگبار اولوبدی
.
.
یابن العسکری اماندی پشت پرده ده سن آز قال
تیغیوی نیامیدن چک یرده کی قانی اؤزون آل
خرمن جفا و ظلمه گل بو دهریده شرر سال
گور نجه جهان کمند کفریده دچار اولوبدی
.
.
گون کیمی جمال پاکین گل بو دهره ایله معلوم
بو جهاندا آل طاها گور نجه اولوبدی مظلوم
بعضیسی چکیلدی تیغه بعضیسی ولیک مسموم
شیعیه بو گونده یولداش آه جانشکار اولوبدی
.
.
قدسیان بو غمده الآن غصّه دن اولوب اورک قان
باد ظلمیله سولوبدی فاطمه باغیندا ریحان
شربت شهادت ایچمیش صادق اول عزیز جانان
چشم خونفشان شیعه مثل آبشار اولوبدی
.
.
طاقتین آلاندا الدن زهر کین شه حجازین
جمع ائدیبدی اقرباسین آچدی صحبتین فرازین
باخدی دوریه بویوردی کیم سبک سایا نمازین
بیزلرون شفاعتیندن حشریده کنار اولوبدی
.
.
زهر اثر ائدنده شاهه اود دوتوب یانوب جگردن
رنگی سولدی شهریارین زهر کینِ پر شرردن
فاطمه عزایه گلدی آگه اولدی بو خبردن
دشمن شقینون اول دم ظلمی آشکار اولوبدی
.
.
یر گوی آغلادی بو غمده ناله ایلدی فلک لر
تاجینی گوتوردی باشدان شیونه گلوب ملک لر
باغلیوبدی قاره معجر یاس دوتوب قرا لچک لر
یکس اهل بیت طاها یعنی سوگوار اولوبدی
.
.
آغلیور بو غمده خاتم وای امام صادق ایوای
سسلنوبدی اهل عالم وای امام صادق ایوای
شیعه ساخلیوبدی ماتم وای امام صادق ایوای
بو عزاده شیعه یکسر ایندی بیقرار اولوبدی
.
.
قبره عزّتیله گئتدی صادق اول گلِ پیمبر
بیر گُلون ولی رسولین آت ایاقی ائتدی پرپر
بی کفن قالوب قوم اوسته کربلاده شاه محشر
یاره لر او گل بدنده یعنی بیشمار اولوبدی
.
.
آیریلوبدی باش بدندن پیکری قالوبدی عریان
بارماقین کسیبدی بجدل اللرینده نامسلمان
اکبرین یاراسی اوستن ظلمیله دگوبدی پیکان
خیمه گاه شاه عالم اوندا تار و مار اولوبدی
.
.
ای #رضوی قلب شیعه قاندی چون بو ماجراده
آل مصطفا نه چکدی کیم بولور او نینواده
خیمه لر یانوب کول اولدی تا زمین کربلاده
ظلمیله کیچیک اوشاقلار ناقیه سوار اولوبدی
.
.
.
#صادقیه_شهادت #صادقیه
#جان_وئروب_امام_صادق_شیعه_داغدار_اولوبدی
#رضوی_زنجانی
#ترکی
#زبدةالاشعار

متن پیشنهادی:  نقاب ائتمه على مه صورته زلف سمن سادن #حضرت_صغری #رجایی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی