در شهادت حضرت علی اکبر(ع)
زبانحال مادر
.
✍️ #زبدةالاشعار ✍️
.
🆔: @nohe_torki
.
حاج غلامرضا عینی فرد زنجانی
.
جان ویروب اکبر قالوب یوللاردا لیلا گوزلری
آغلادی یاده دوشنده شبه طاها گوزلری
.
.
اکبرین هجرینده گوزدن آتدی دنیانی خانم
آغلیاندا آغلادوب اعلا و ادنانی خانم
بلکه جنّتده ایدوب محزون زهرانی خانم
آغلادی کم نور اولوب یثربده لیلا گوزلری
.
.
گر دوز اولسا اولمادی اکبر گیدنده مقتله
مشکلی آرتق اولوبدور روز و شب گلدی دله
آرزو ایلردی هر گون شهر یثربده ئوله
گوز قاباقینده گورردی قدّ رعنا گوزلری
.
.
عرض ایدردی بارالها اوغلومی ئولدوردیلر
کینۀ دیرینه سین سفیانیان بلدیردیلر
آدمیّت جرگه سیندن آدلارین سیلدیردیلر
کور اولوب گورموب اولار دنیاده معنا گوزلری
.
.
وای حسینون حالینه گوردی ئولور رعنا جوان
ال ایاق چالدقجا گل تک یاره لردن سپدی قان
جانی چخدقجا بالامون جان ویروب شاه جهان
باش یاراسیندان آخوب قان دولدی شهلا گوزلری
.
.
اولمادوم میداندا باری باهم اوخشاردوق اونی
قانه باتمشدی عذاری باهم اوخشاردوق اونی
اولمادوم افسوس یاری باهم اوخشاردوق اونی
دوندرنده صاق صولا جان اوسته زیبا گوزلری
.
.
اوغلومی ویردیم فدا قرآن یولوندا آغلارام
باشیمه قاره نقدری عمریم اولسا باغلارام
آه جانسوزیله قلب کائناتی داغلارام
انس و جنّی آغلادار ای ذات یکتا گوزلری
.
.
رزمگاهه حاکم اولموشدی او گون گرد و غبار
پرده چکمشدی سپاهون گوزلرینه چون حصار
قالب بی روح اولاردی یکسر اهل کارزار
دقّتیله گر گوریدی شبه طاها گوزلری
.
.
باخدی بیر دفعه منه آیریلدی آلدی جانمی
ایندیده یول گوزلورم گلسون دیریتسون قانمی
بیر باخشدا ایلسون احیا دل ویرانیمی
سسلنوم گلدون بالا؟ ای جان لیلا گوزلری
.
.
لاله سردون تپراقا قانون آخاندا دشتیده
سن عبادیدون و یا دسته قزل گول طشتیده
عمق دریاده آنان قالدی سنق بیر کشتیده
غرق اولار ساحل تاپانماز سوزلری یا گوزلری
.
.
غصّه لر تحلیله سالمش پیکریمده یوخ توان
دشمنون خوشحالیدور قالدی اوغولسوز بو آنان
مردم چشمیمده گل عکسیم دوشه قدّیم کمان
ای اولان سفیانیانه تیغ بُرّا گوزلری
.
.
قلب دشمندن وراندا ریشه سین قازسین بالا
کیم منه گولدی منیم حالیمه قالسون برملا
اکبر و لیلا غمی دنیانی یاندیردی صورا
کربلاده ایتدی رستاخیز گویا گوزلری
.
.
و یرمدی فرصت پیمبر دشمنی ای باوفا
خاک بطحایه قیتسون کاروان کربلا
یعنی گورسنسیدون اوغلوم سندن آلمشدی شفا
بیرده اؤپسیدی اگر بسترده صغرا گوزلری
.
.
گوزلریمدن اوت چخور یاده دوشنده گوزلرون
ایو به ایو الان گزور شیرین صفالی سوزلرون
قورخورام عاشقلرون ئولدورسون اوغلوم اوزلرون
سوز دوشنده قانیله دولدی دل آرا گوزلری
.
.
کربلا دن گلدی «عینی فرد» یازدی بو سوزی
صبح وقتیدی اوروجلو قدا قالوب حیران اؤزی
اکبرون قبرین مجسّم ایلیور آغلار گوزی
سسلنور چکمه گدادن اول مسیحا گوزلری
.
.
.
#اکبریه_عینی_فرد
#اکبریه_شهادت
#جان_ویروب_اکبر_قالوب_یوللاردا_لیلا_گوزلری
#ترکی
.
✍️ #زبدةالاشعار ✍️
.
🆔: @nohe_torki
نظر دهید