زبانحال حضرت زهرا سلام الله علیها
.
✍️ #زبدةالاشعار ✍️
.
🆔: @nohe_torki
.
مرحوم حاج حیدر خوندل
.
جبریله اگر دشمنه مقهورم عم اوغلی
اوز حقّیمون اثباتینه مجبورم عم اوغلی
.
.
دوزدوم نَقَدر گلدی بلا دور فلکدن
چخدیم زر خالص کیمی چوخ صاف محکدن
سرسخت دفاع ایلدیم املاک فَدکدن
بو امره حیاتیم بویی مأمورم عم اوغلی
.
.
ثانی منی تا تاپدی بلا رهگذرینده
موج ایلدی کینه دل پرشور وشرینده
چوخ خوار منی گوردی او ناکس نظرینده
فکر ایتمدی پیغمبر منظورم عم اوغلی
.
.
حقَیمده خطا فکر ایلدی فرقه ی مغرور
افواهیله ممکن دگی خاموش اولا بو نور
هر قدر منی ابر بلا ایلَسَه مستور
دنیا بویی بیر گون کیمی مشهورم عم اوغلی
.
.
گرچه بویوروب بو سوزی پیغمبر رحمت
مرضیّه ده وار رایحه ی نکهت جنّت
درک ایتمدی افسوس بو بی فهم جماعت
بو هیکل انسیّه ده ،من حورم عم اوغلی
.
.
ای فاطمه نون سروری وی سیّد ابرار
بیر نوع منی ایتموسن عشقونده گرفتار
جان نقدینی ایتسم قدم پاکوه ایثار
بی قدردی نیلوم بونا مقدورم عم اوغلی
.
.
ظلم اهلی بو اصل اوسته منی ایدیله شاکی
چون تیره گورر جاهل اولان گوهر پاکی
هر چند مجاز اهلی بولور عنصر خاکی
ماهیّت اصلیّه ده من نورم عم اوغلی
.
.
ماهیّت اصلیّه ده منه هر غم و محنت
ناچیزیدی دنیا جه اگر اولسا مصیبت
وار فاطمه ده نعمت عظمای ولایت
شادم که می عشقیله مخمورم عم اوغلی
.
.
بو آیریلیقا سن بولوسن یوخدی دوامیم
بو فکریله شادم بودی مقصود و مرامیم
محسندن آلار عطریوی جنتّده مشامیم
وصلوندن اگر جبریله مهجورم عم اوغلی
.
.
بیر ظلم ایلیوبلر منه بو زمره ی اوباش
کیفیّتی امّا سنه مستور اولا ای کاش
افسوس که غسلومدا بو معنا اولاجاق فاش
فعلاً من اونون ذکرینه معذورم عم اوغلی
.
.
بیر عمر سعادت که قرین اولدی منیله
قورتاردیم عزیز عمرومی عالمده سنیله
روحیم دوتوب الفت بو حسین و حسنیله
بیر عاشق آشفته و مسحورم عم اوغلی
.
.
بیرده بودی عرضیم سنی گر ایتمسه غمگین
مخفی گجه ویر غسلیمی دفن ایت منی گیزلین
بیرده سُوَرَم ایلیه سن قبریمی ایتگین
قدریم کیمی مجهول اولا مسرورم عم اوغلی
.
.
حاشا اولا مندن سنه عمرومده سفارش
کافیدی حضورونده قبول اولسا بو خواهش
بوزینب و کلثومه اوزون ایله نوازش
عفو ایت منی بو باره ده مجبورم عم اوغلی
.
.
ای خاک رهی سرمه ی حوران بهشتی
#خوندل که آتوب دهرده زیبائیله زشتی
عشقونله امیدونله مخمّردی سرشتی
منده او بلاکش کیمی رنجورم عم اوغلی
.
.
#سبک_ای_باد_صبا … 7 سبک
.
#فاطمیه_شهادت
#جبریله_اگر_دشمنه_مقهورم_عم_اوغلی
#خوندل_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید