راه شام
زبانحال حضرت لیلا(س) به شاهزاده علی اکبر(ع)
.
✍️ #زبدةالاشعار ✍️
.
🆔: @nohe_torki
.
مرحوم بلوری
.
جداده طعنه ورار مهره مه جمالون اوغول
سالوبدی مهر و مهی حیرته جلالون اوغول
.
ایدوبدی خون جگر نافۀ تتاری بلی
شمیم طرۀ مشک ختا مثالون اوغول
.
دوتوب جمالوی قانلی تلون خسوفه دوشوب
سحاب زلفده اول ماهوش جمالون اوغول
.
مرید عشقوه لطفا گوز آچ عنایت ائله
گله بو گوزلریمه گوزده کی ملالون اوغول
.
جدا باشندا باشون باشیمه سالوب سایه
غریق رحمت ایدوب باشیمی ظلالون اوغول
.
خیال زلفوه پابند اولوب دل لیلا
باشون دالنجا چکر هر یانا خیالون اوغول
.
اسیر دام بلا ایلیوب بومرغ دلی
یوزونده نقش اولونان دلفریب خالون اوغول
.
او قان دولان گوزووه گوز تیکوب هامی گوزلر
گوزون فداسی گوز آچ مسکن ائت محالون اوغول
.
صحیفیۀ دلیمه نقش اولوبدی عکس رخون
ئولنجه وار دل سینمده بو مدالون اوغول
.
امام رأسینی تعقیب ایدور جداده باشون
سلوک عشقده یوخ آیت و مثالون اوغول
.
خیال ساغر وصل ایلیوب سنی مدهوش
اولوبدی خون دلون بادۀ زلالون اوغول
.
آتار خدنگ مژه قلب زاریمه هردم
بو گیر و داریده اول ابروی هلالون اوغول
.
سزادی مین یول اگر جان آلا بو جانیمدن
ره وفاده سنون لحظۀ وصالون اوغول
.
دوشر خیالیمه هر لحظه خاطرات وطن
گوزومده جلوه لنر احمدی خصالون اوغول
.
دولانموسان نچه ایل باشیمه چو پروانه
سالوبدی شمع دله سایه پرّ و بالون اوغول
.
اوجاتموسان ایکی دنیاده باشمی احسنت
او سود که ویرمیشم اولسون سنون حلالون اوغول
.
رضادی سندن آنان ای رضای امر خدا
شهادتیله ثبوت اولدی امتثالون اوغول
.
دوشنده تپراقا سندیردی استقامتیمی
او سرو قامت شمشاد اعتدالون اوغول
.
دوتوبدی قلبیمون آئینه سین غبار ملال
سیلر بو گرد غمی قلبدن مقالون اوغول
.
«بلوریدان» نظر لطف و رحمتون کسمه
نصیب ایله اونادا رحمت نوالون اوغول
.
.
#راه_شام_بلوری
#اکبریه_شهادت #اکبریه
#جداده_طعنه_ورار_مهره_مه_جمالون_اوغول
#ترکی
.
✍️ #زبدةالاشعار ✍️
.
🆔: @nohe_torki
نظر دهید