زبانحال امام (ع) در بالین برادر
.
✍️ #زبدةالاشعار ✍️
🆔: @nohe_torki
.
#سبک_همه_جا_بروم
#سبک_آخشام_اولدی_ننه
.
حاج اصغر فرشچی تبریزی
.
جسمونده یاره لرچاتوبدی باش باشا
قول لارون سالوبلارقان ویرورهریارا
باشوون قانی
یوزه سوزولور
الیم الوندن
قارداش اوزولور
یا ابا فاضل (2)
.
.
سسلدون ادرکنی بو دشت بلاده
اللریم بلیمده دورگلدیم امداده
اوخلانوب سو مشگون گلموشم فریاده
تأثیر ایلوب غمیم ابالفضل داغ داشا
دورسندی بلیم
اماندی قارداش
قارداش اولومی
یاماندی قارداش
یا ابا فاضل (2)
.
.
قالماسون خیمده تشنه لب بناتی
مشکون الونده سن تا آلدون فراتی
حیرته سالموسان ارض وسماواتی
ایچمدون جرعه سو ایلدون مواسا
دوربیرده مشکون
اَلَه آل قارداش
یوخ قیدیمه قالان
اوزون قال قارداش
یا ابا فاضل(2)
.
.
شیرهیجاسن پر آچان عنقاسن
هر فنون جنگه قارداش آشنا سن
فراتی فتح ایدن تشنه لب سقاسن
یاتما دورسیل غم ایستور باشدان آشا
وفایولونی
سن نشان ویردون
نهرِ اَلقمده
تشنه جان ویردون
یا ابا فاضل(2)
.
.
اسقلال دینه سن ایکی قول ویردون
کچدون باش وگوزدن صاقیله صول ویردون
هرگلن پیکانه سیننده یول ویردون
سن عشقونله ویردون بوجهانه صفا
هانی بس اللرون
غم منی سیخدی
دورحسین ناله سی
گویلره چیخدی
یا ابا فاضل(2)
.
.
کیچیلوبدی جسمون یاره تعدادی چوخ
سینه وه دوزولوب وای منه نیزه اوخ
هاراندان من اوپوم صاح یرین تنده یوخ
جسمونده یاره لرچاتوبدی باش باشا
آماج اولوندی
جسمون سیوفه
ماهِ هاشمی
دوشدون خسوفه
یا ابا فاضل(2)
.
بازارعشقیده جان حراج ایلدون
قرمزی قانیوی باشه تاج ایلدون
سینوی هرتیره سن آماج ایلدون
شریک نهضتیم سن روزعاشورا
جامۀ عشقیمی
سویمیین قارداش
اولونجه تک منی
قویمیین قارداش
یا ابا فاضل(2)
.
.
مست عشق جانان کوی عشق قربانی
یوخ اَلون سیلَسَن گوزدن آخان قانی
آچ گوزون گل دله ای وفانون کانی
عشق جانان اوسته دینه اولدون فدا
ای هوا داریم
گل دله قارداش
بیرده دوراَلَمون
آل اله قارداش
یا ابا فاضل(2).
.
.
جسمون آماج اولوب بوچولده سیوفه
ماه هاشمی سن دوشموسن خسوفه
آغلورام من گولورشام واهل کوفه
مشکل دورقارداشون اولومی قارداشا
دشت بلاده
دینه فداسن
هردرده درمان
مشگل گشا سن
یا ابا فاضل(2)
.
.
آغلار(عدلی) بیزه هرصبح وهرمسا
گویلی ایستورگوره بیرده کرب وبلا
سن باب الحوائج آدون مشکل گشا
مشکولون آچ اونون دردینه ایت دوا
سن مشکل لری
آسان ایلرسن
چاره سیزدرده
درمان ایلرسن
یا ابا فاضل(2)
.
.
#عباسیه_شهادت
#جسمونده_یاره_لر_چاتوبدی_باش_باشا
#ترکی
.
✍️ #زبدةالاشعار ✍️
.
🆔: @nohe_torki
نظر دهید